Sami grátkórinn á moggablogginu

Hér er sama liðið að býsnast yfir einhverju smá drasli í kringum tjöld á austurvelli á meðan tjaldbúarnir eru að mótmæla ruslaragangi inni í Alþingisbyggingunni. Ekki leggur það neitt til lausnar þeirra mála, hvorki táknrænt né beint. Enda er þetta lið - Gunnar, Axel, Jón Valur og co. svosem ekki að vinna að betra Íslandi þannig að það er svosem ekki við því að búast.

Þessar tjaldbúðir eru algert aukaatriði og mér heyrist og sýnist Alþingi vera fullfært um að hundsa þetta fólk hvort sem er, rétt eins og aðra mótmælendur síðustu tvö ár.

Slæm umgengni á Austurvelli

Athugasemdir

[Pétur (IP-tala skráð) 23.11.2011 kl. 15:35]

Þetta er lygaáróður. Tjaldið hrundi í gær og við komum strax á svæðið til að taka til. Um kvöldið vorum við búnir að hreinsa allt svæðið og fjarlægja öll tjöldin og verðmæti og búnir að raða ruslinu í þétta hrúgu varin af brettum og ætluðum að fara með það á sorpu daginn eftir!

Btw, lögreglan áreitti okkur sífellt og sumir ásaka hana um að hafa hrint tjaldinu niður eina nóttina þegar nokkrir voru sofandi í því. Þegar hliðin hrundi og þeir ætluðu að skoða hvað var í gangi sáu þeir skugga við tjaldið og þegar þeir náðu að skríða út var lögreglubíll að keyra í burtu...

Það kom fullt af fólki til okkar sem var með sóðaskap og við sem stóðum á bak við þetta gerðum allt sem í okkar valdi stóð til að vera til fyrirmyndar. Þótt að tjöldin séu farin (í ljósi þess að það var orðið of erfitt að manna tjaldbúðirnar og veturinn nálgast óðfluga + lögreglan áreitti okkur stöðugt) þá erum við engan veginn úr leik. Við ætlum að halda fundi í grasrótarmiðstöðinn og skipuleggja viðburði þaðan, auk þess að setja kannski upp bókasafn og sýna heimildamyndir þar. Við ætlum líka að halda bankagöngur og stækka kjarnahópinn svo við getum gert stutt occupy (mætt með tjöld og vera með læti í nokkra daga og fara svo, skæruhernaður!). Svo þegar tekur að vora munum við aftur mæta á Austurvöll af fululm krafti. Við erum að gera þetta fyrir ykkur! Fyrir þjóðina!

Helduru að það sé geðveikt gaman að sofa í kuldanum í tjaldi á Austurvelli og vera áreittur af fyllibyttum og lögregluþjónum? Aðrir sem gerðu ekkert og studdu ekki einu sinni baki við okkur ættu að skammast sín.

[maggi220 (IP-tala skráð) 24.11.2011 kl. 05:57]

Já Pétur, það var þarna ómaklega vegið að okkur. Það vita allir sem að voru þarna að morgunblaðið er að reyna að gefa skakka mynd af málinu. Svona leit tjaldið út undir eðlilegum kringumstæðum:

http://mbl.is/frettir/innlent/2011/11/15/vill_ad_althingi_utvegi_salernisadstodu/