Hamfaraprófessorinn

Horfumst í augu við það. Tryggvi ráðlagði Geir um árabil hvernig koma átti landinu á hausinn. Maður þarf að spyrja sig hvort hann er eins og angi af Hannesi Hólmsteini Gissurarsyni, forhertur hugmyndafræðingur sem neitar að horfast í augu við skipbrot sinnar hugmyndafræði.

Kreppuklám... ó, svo það er bara allt í himnalagi? Eða er þetta "Ekki benda á mig" áróður frá manni sem ber svo þunga ábyrgð að hann rís ekki undir henni.

Maðurinn sem ég hlustaði á í Kastljósinu, Tryggvinn sem var þar, er ósennilegastur af öllum til að biðjast afsökunar á einu eða neinu. Sagði reyndar af sér þegar Glitnir var tekinn yfir, en þá var hann löngu búinn að gefa þau ráð sem komu okkur í þá stöðu sem olli því að Glitnir var tekinn yfir.

Prófessor í Hamfarahönnun? Prófessor í að koma okkur á hausinn? Eða er þetta prófessor sem getur horfst í augu við það sem hann tók þátt í að helvítis fokking fokka upp og þannig taka þátt í því að bæta stöðuna? Mikið væri það nú ferskur blær að sjá þungavigtarmann úr röðum hægri manna segja; "Lítum í eigin barm..." og svo líta í eigin barm.

Eða ætli sjálfstæðismenn myndu útskúfa honum fyrir vikið? Ég held reyndar að þarna gæti verið vísirinn að endurnýjun Sjallans. Tryggva til formanns í stað Bjarna Ben atvinnupólitíkur! Hvernig væri það.

Þetta eru nú meiri draumórarnir, eins og Tryggvi sé fær um að sjá hlutina frá sjónarhorni almennings...

Tryggvi Þór Herbertsson vill á þing

Athugasemdir

[Jóna Kolbrún Garðarsdóttir, 20.2.2009 kl. 01:24]

Heyr, heyr ég er sammála þér