Stjórnin gerir eins og hún segir...

...annars verður allt BRJÁLAÐ!

 

Íslensk ríkisstjórn sem halda vill einhverjum trúverðugleika þarf að sitja og standa eins og þessi kona segir eins og málin standa, á meðan hún heldur áfram að tala og vinna svona. Ef þetta væri hálfviti, eins og flestir leiðandi stjórnmálamenn íslenskir síðustu tvo áratugi, þá værum við í slæmum málum.

 

En Eva Joly er alveg stórkostlega auðvelt að lesa, plús það að hún á stórkostlegan feril. Orð hennar um mikilvægi rannsóknarinnar á heimsmælikvarða eru stór, en hún virkar á mann þannig að maður trúir henni 100%

 

Ég segi að við spörum ekki að neinu leiti við að koma þessari rannsókn í gang eftir hennar höfði. Það er mótsagnakennt eftir að hafa orðið vitni að afleiðingum höfðingjadýrkunaráráttu Íslendinga í gegnum árin, að vilja leggja svo mikið traust á eina manneskju, en þessi er ALLT öðruvísi en allir hinir skrattarnir. Óþarfi að fjölyrða um það. Liggur í augum uppi.

Ein mikilvægasta rannsóknin

Athugasemdir

[Jóna Kolbrún Garðarsdóttir, 11.6.2009 kl. 01:27]

Ég held að hver króna sem fer í þessa rannsókn muni skila sér margfalt til baka. 

[Haraldur Hansson, 11.6.2009 kl. 12:42]

Tek undir þetta, sérstaklega þetta með trúverðugleikann. Aðkoma Joly gefur rannsókn ákveðinn gæðastimpil sem við þurfum á að halda.

[Júlíus Björnsson, 12.6.2009 kl. 07:58]

3 evru millur eru það 2% í innheimtukostnað?