Færsluflokkur: Bloggar

Gera það samhliða því að bæta kennsluna.

Let's face it - Hverjum finnst yfirferðin í skólum vera sligandi? Það sem er mest sligandi er að markið er sett lágt. Strákarnri mínir voru í skóla í einu lélegast fylki Bandaríkjanna (þótt skólinn hafi reyndar verið í þriðja sæti í fylkinu, Georgíu) og námið hér er ótrúlegt gutl miðað við keyrsluna þar. Ýmislegt var ekki í lagi úti en kröfurnar í raunfögum sérstaklega voru mun meiri þar en hér og getan eftir því, og það í almenningsskóla (ekki einkareknum).

 

Gallinn er að ekki "má" stugga við kennurum hér. Stéttin getur alls ekki tekið gagnrýni (sem er náttúrulega íónískt í meira lagi) - Eða eigum við öllu heldur að segja þau yfirvöld sem eiga að setja markmiðin og setja kúrsinn geta það ekki?


mbl.is Skyldunám verði lengt um 2 ár
Tilkynna um óviðeigandi tengingu við frétt

Öllu heldur eru Íslendingar þægastir í taumi

Sinnulausir? Þægir í taumi? Fórnarlambsáráttusæknir?

 

Erum við líklegust allra til að láta vaða yfir okkur? Eða erum við bara líklegust til að refsa fólki með orðum? Er það ekki sami hluturinn?

 

Grrr... ég er enn reiður yfir eftirgjöf ríkisstjórnarinnar við þá sem þeir gáfu nýju bankana - Skotleyfið sem þeir gáfu þeim á almenning gegn því að losa ríkisstjórnina við þá ábyrgð að þurfa að taka á málunum. Eru það nú aumingjar! Djöfulsinshelvíti... og það vísvitandi! Grr.... þetta skemmir út frá sér. Finna zenið... zenið... vera fórnarlambsáráttusækinn. Hugleiða. Gera ekkert. Þetta gengur yfir. Eða ekki...


mbl.is Ísland friðsælasta land heims
Tilkynna um óviðeigandi tengingu við frétt

Þetta er... ógeðslegt

Allir eru komnir með upp í kok af viðbjóði. Hann er á mörkum hins þolanlega, jafnvel kominn langt yfir mörkin. 29.000 íslendinga burtfluttur, eða tæp 10%. Eins og eftir náttúruhamfarir.

 

Hver er ekki þreyttur á barlómi, neikvæðni og reiði út í yfirvöld? Ég þoli þau ekki, en samt er barlómur og reiði óumflýjanlegt. Hvernig er hægt að lesa um svona svik ríkisins við hugsjónir, við eigin stefnu, við þjóðina sem kaus hana til björgunaraðgerð, um þjónkun þeirra við óvininn - Orðlausa yfirfærslu bankanna í hendur vogunarsjóða sem á einhvern óskiljanlegan hátt gerðist í þögn og á bakvið tjöldin - í hinum frægu "reykfylltu bakherbergjum" sem Steingrímur J. talaði svo oft um í eldræðum sínum hér í denn. Þegar hann kemst til valda rambar hann beint inn í þessar ógeðslegu kytrur og svíkur allt sem honum á að vera heilagt. Tekur innmatinn úr þjóðini lifandi svo engin séu meltingarfærin.

 

Ég lýsi því hérmeð yfir að ég hata þessa ríkisstjórn eins og ég hata krabbamein. Eins og ég hata skemmda mjólk og myglað brauð, táfýlusokka og gömul Júróvisjónlög. Ég fyrirlít þessa ríkisstjórn og flokkana sem að henni standa eins og sjálfstæðisflokkinn og framsóknarflokkinn og þær ríkisstjórnir sem spilltu og eyðilögðu þjóðlífið. Ég fyrirlít hana eins og ríkisstjórn Geirs Haarde og fjármálavölvurnar. Ég set Steingrím á bekk með þeim sem vísvitandi valda fólki tjóni og skaða. Hann og Davíð Oddsson eru af sama meiði, fyrirlít þá báða tvo, og fyrirlít það fólk sem tönnlast á því hvað Davíð hafi séð allt fyrir og sett út á, og hvað Steingrími sé vorkunn að taka við þessu. Þetta eru sviiikaaaraaar. Þeir eiga heima í ræsinu með Hannesi Smárasyni, Björgúlfi, Jóni Ásgeir, Pálma Hannessyni, Magnúsi Ármanni og þeirra rassasleikjum sem plantað var í banka- og fjármálastjórastólana eftir hrun af sömu yfirvöldum og gagnrýndu þá fyrir.  Bankafólk í dag er ófyrirleitið, heilaþvegið pakk sem er skííítsama um rétt og rangt. Þeir hugsa um bónusa og að blóðmjólka allt og alla. Að tala við fólk einfaldlega í afgreiðslunni - það þurfa ekki að vera neinir séffar - sýnir hverskonar pakk er þarna. Þeim sem ég hef rætt við í mesta rólyndi og gefið tíma til að segja hug sinn eru allir á einu máli: Fólk á skilið að missa aleiguna. Ævistarf þeirra sem brenna upp í stökkbreyttum lánum Á að brenna því lánþegar tóku lán (til íbúðarhúsnæðis) í græðgi. Ég segi þessu fólki að það má búast við því að brenna í helvíti áður en það deyr.

 

Góðar stundir. Best að fara að gera eitthvað uppbyggilegt.


mbl.is Tóku stöðu gegn heimilunum
Tilkynna um óviðeigandi tengingu við frétt

Peningagræðgi

Finnst fólki ekki nóg komið af þessu helfararbulli? OK, gyðingum var slátrað af þjóðverjum en það sama gildir um milljónatugi annarra í síðari heimsstyrjöldinni. Hvaða réttlæti getur mögulega verið í því að greiða gyðingum stríðsskaðabætur en ekki sígaunum t.d. eða þá grikkjum en þar í landi létust 200.000 almennir borgarar úr hungri í stríðinu og 300.000 úr hungri á næstu tveimur árum úr hungri af sömu orsökum.

 

Allavega er ég kominn með upp í kok af þessari fórnarlambadýrkun. Nasistar töpuðu, mest af því sem þeir áttu var eyðilagt og þeir voru EKKI krafðir um stríðsskaðabætur vegna þess að eftir heimsstyrjöldina fyrri voru þær eitt af því sem leiddi beint til þeirrar seinni.

 

Þetta rugl er eins og að vísa Lars Von Trier af kvikmyndahátíðinni í Cannes fyrir að segja mislélega brandara um heimsstyrjöldina ásamt því að minna fólk á að hann hafi haft samúð með Hitler. Er það ekki einn meginboðskapur kristni, að fyrirgefa og elska óvin sinn? Þessi óvinur hefur verið dauður í 70 ár og verið útmálaður ómennskur, á meðan hann var bara mennsk afurð síns tíma.

 

Hvers eiga t.d. farþegar SNCF í dag að gjalda fyrir að löngu dauðir nasistar hafi ákveðið fyir 70 árum að ferja nokkur hundruð manns af þeim milljónum sem drepnar voru í stríðinu. Sektir á fyrirtækið núna kemur niður á farþegum í dag og borgurum í dag.

 

Þetta er einfaldlega græðgi og hefur ekkert með réttlæti að gera.


mbl.is Skylt að greina frá flutningum í útrýmingarbúðir
Tilkynna um óviðeigandi tengingu við frétt

Björn stendur við ummælin en þau verða dæmd ómerk.

Fólk í VG finnst (með réttu) að Guðlaugur hafi þegið styrki fyrir völd sem gera honum kleift að styrkja þá sem hann styrktu með verkefnum úr almannasjóðum. Það er einfaldlega þannig sem stjórnmálahefðin á Íslandi hefur verið - Sérstaklega í Sjálfstæðisflokki, en ég mundi þó ekki taka hann út fyrir sviga nema vegna þess að málið snýst um Guðlaug.

Ég spái því að Björn Valur guggni ekki á þessu þótt gefið sé að hann muni tapa meiðyrðamáli, nema hægt sé að sanna að Guðlaugur hafi misnotað vald sitt. Og ef til vill væri hægt að sanna það en ég mundi ekki veðja á það. Flokkarnir eru góðir að grafa gögn um eigin menn og margir bæði í sjálfstæðisflokknum og í atvinnulífinu eiga hagsmuna að gæta að þetta dýrindis bakklórskerfi verði ekki slegið af.

Svo vil ég, í tilefni dagsins, óska Arion banka TIL HAMINGJU með að hafa endurreist bónusakerfið áður en þrjú ár eru liðin frá hruni. Gróðærið - taka tvö!


mbl.is Fékk frest til mánaðamóta
Tilkynna um óviðeigandi tengingu við frétt

Þeir eru með svo gott öryggiskerfi

Er þetta sama Sony og var að glata öllum notendaupplýsingunum á PSN? Kreditkortum, lykilorðum o.s.fr.v.
mbl.is Sony segir iPad stríð á hendur
Tilkynna um óviðeigandi tengingu við frétt

svo þeir "felldu" syni Saddams og 14 ára barnabarn hans?

Er Morgunblaðið nú að "fella" múslimadýr en "myrða" kristna bandaríkjamenn? Lágmenningin alveg að fara með kjúklingana í Hádegismóum.
mbl.is Saddam vildi dætur Rumsfeld dauðar
Tilkynna um óviðeigandi tengingu við frétt

Einkavæðing heilbrigðiskerfisins á næsta leiti!

Nú er veisla hjá Sjálfstæðismönnum. Draumurinn loks að rætast um dauða hins opinbera heilbrigðiskerfis.

Húrra fyrir Davíð! Húrra fyrir Geir!

Og ekkert SMÁ sniðugt að koma þessu svona í verk - Að setja þjóðina á hausinn og láta þetta þurfa að gerast á vakt vinstri manna.

HAHAHA!! Ekkert smá vitlaust þetta lið á þingi núna, að spila svona rugli upp í hendurnar á þeim.

Það minnir mig á - Hvað með nýja sjúkrahúsið á Landspítalasvæðinu? Hvernig er með fólkið sem þarf til að reka það?

Þetta er rós í kollektíft hnappagat alþingis og bankamanna. Og ritstjóra Moggans! Mikið hlýtur hann að eiga góðan dag núna - Draumurinn ALVEG að rætast!


mbl.is 634 gætu misst störf sín
Tilkynna um óviðeigandi tengingu við frétt

Alheimurinn er eins hvert sem litið er

Segja má að óhjákvæmilegt sé að finna lífvænlegar plánetur því alheimurinn er einsleitur sama hvert litið er. Dreifing efnis er með svipuðu móti um allt, enda stýrist heimurinn af sömu lögmálunum allsstaðar.

 

Það sem er hinsvegar spurning er hvort aðrir menningarheimar finnist og þá hvort þeir eru líka í miðju alheimsins og hvort guð skapaði þá líka í sinni mynd og auðvitað hvort þeir líti þá út eins og við! Það væri rökrétt!

 

Annars er verulega ósennilegt að við munum finna svo þróað samfélag nokkursstaðar í heiminum ef þau líkjast okkur eitthvað því það er nánast útilokað að samfélag eins og okkar nái að lifa nægilega lengi af til að vera á því stigi að geta leitað að öðrum samfélögum akkúrat um leið og við getum það (eða fyrir akkúrat passlega löngu síðan fyrir merki frá þeim að berast til okkar).

 

Annars er stórkostleg tilhugsun að við gætum mögulega staðið á þröskuldi þess að finna plánetu þar sem líf þrífst. Það er eiginlega ótrúlega kitlandi tilhugsun.


mbl.is Lífvænleg reikistjarna fundin?
Tilkynna um óviðeigandi tengingu við frétt

« Fyrri síða | Næsta síða »

Um bloggið

Rúnar Þór Þórarinsson

Höfundur

Rúnar Þór Þórarinsson
Rúnar Þór Þórarinsson
Leikjahönnuður m.m.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Búinn að fá bita hjá öllum!

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband