Viðbrögð mín við stefnuræðu forsætisráðherra og svörum alþingismanna.

Er einhver til í að segja þessum alþingismönnum sem sjá ekkert nema sjálf sig og hvort annað sem er þarna inni á þessari vanheilu stofnun eftirfarandi:

1. Fólk er brjálað yfir því að þið svíkið heimilin í hendur bönkunum á meðan það eru einmitt þeir sem bera stærstu beinu sökina á því hvernig málum er háttað.

2. Við gerum okkur FULLA GREIN fyrir að þið þingmenn eruð svona ógeðslega sjálfhverfir til þess að komast hjá því að ræða um verðtrygginguna með lausn á henni í huga. Á meðan þið getið talað við ykkur sjálf og kennt hvort öðru um, þá þurfið þið ekki að grípa til aðgerða.

3. MÓTMÆLIN SNÚAST EKKI UM YKKUR heldur ÞAÐ SEM ÞIÐ GERIÐ EKKI!

4. Þið eruð bara fólk í vinnu og almenn upplifun er að þið séuð vanhæf upp til hópa og bugtið og beygið ykkur eftir skipunum úr fjármálakerfinu. Enda eru BANKARNIR þeir sem græða, og það segir hvaðan skipanirnar koma.

5. Mótmælin snúast um heimili almennings. Ef þið munduð stöðva eignabrunann mundi ykkur vera fagnað á leið á þing í stað þess að vera formælt.

6. Við erum LÖNGU hætt að mótmæla Sjálfstæðisflokki og Framsókn. Flestir vita að þeir eru út úr myndinni. Þeir sem stjórna bera alla ábyrgð á aðgerðaleysinu, rétt eins og fyrir hrun.

7. AÐAL kosningaloforðið var að bjarga heimilunum, og hvað gerið þið? Ofurselja þá sem bankarnir prönguðu ólöglegum gengislánum inn á sömu örlögum og þeirra sem sitja í verðbólgusúpunni OG þið ætlið að láta það fólk, og þar með alla, sjóða!

Er von að maður reiðist... ekkert ykkar stendur í lappirnar og drepið málum einfaldlega á dreif. Hverjum er t.d. ekki sama, Svanhvít Svavarsdóttir, hvernig þú túlkar hvatningarorð forseta til þingsins að afgreiða stjórnarskrármálið - Sem þú gerðir að umfjöllunarefni á þingi í gærkvöldi. Þvílíkur og annar eins tittlingaskítur. Í fyrsta lagi, forsetinn hafði rétt fyrir sér, það vill enginn að þið hundsið þetta fram yfir forsetakosningar og í öðru lagi ÞÁ ER ÞETTA SMÁATRIÐI. Djöfulsins vitleysa sem það var að hlusta á þetta.

ENGINN stjórnarliða sem ég heyrði upp talaði beint um lánavanda heimilanna, verðtryggingarbálið eða 34.000 undirskriftir sem afhentar voru á laugardaginn ENGINN. Er von að maður vilji reka þetta lið og ráða einhvern - Bara EINHVERN - Jafnvel lesblindan grínista í staðinn. Börnin mín á barnaskólaaldri mundu standa sig betur. Þau hafa þó prinsipp.

Samstaða á Austurvelli