Ríkisstjórn Geirs gerði allt rétt og eðlilega

Hér er smá skammtur:

• Upplýsingaflæði innan ríkisstjórnar Geirs Haarde var gott og viðeigandi ráðherrar voru upplýstir um sína málaflokka.
• Geir og Ingibjörg eru svo fjarri því að vera flokksforingjar sem mökkuðu sín á milli án þess að leita álits og ráða sem nokkur getur verið. Foringjaræði var ekki til.
• Viðbrögð þeirra við að flytja Icesave erlendis eins og reynt var að gera voru ekki bara fullnægjandi heldur gengu þau lengra en búast hefði mátt við.
• Forsætisráðherrann gætti þess að ráðuneyti sem þurftu að vinna saman á ögurstundu gerðu það vel og örugglega.
• Sérhagsmunahópar áttu aldrei innangengt hjá Geir Haarde eða hans flokki. Hann bauð yfirgangssömum kvótakóngum í byrgin, afþakkaði styrki frá þeim og vísaði bankamönnum og orkufyrirtækjum sem vildu sölsa undir sig orku Íslands fyrir ekki neitt þvert á dyr!
• Allt tal um spillingu og sérhagsmunapot á vegum Framsóknar hjá síðustu ríkisstjórnum á undan er út í hött, þeir höfðu aldrei þann atkvæðisfjölda á bakvið sig að geta nokkuð aðhafst eða verið með veruleg áhrif.
• Geir og sjálfstæðisflokkurinn allur létti skattbyrði af hinum tekjuminni og gættu þess að þeir sem hefðu mest á milli handanna, og græddu mest og notuðu mest af innviðum íslenska ríkisins greiddu hlutfallslega meira til samfélagsins en þeir sem vart máttu við því.
• Geir og ríkisstjórnir hans upplýstu þjóðina um leið og illa horfði.
• Ríkisstjórn Geirs og seðlabankastjórn voru sjálfstætt starfandi einingar, faglegar og ákvarðanir þeirra voru ekki aðeins réttar og fyrir bestu heldur afskaplega tímanlegar og teknar af yfirvegun.
• Geir Haarde, Árni Mathisen, Ingibjörg Sólrún og Björgvin sögðu ALDREI ósatt!

 

...vá maður! Mér tókst að skrifa þetta!

„Röng niðurstaða“

Athugasemdir

[Sigurður Helgason, 13.9.2010 kl. 06:28]

Guð blessi ísland.

[Halldór (IP-tala skráð) 13.9.2010 kl. 09:08]

Er þetta kaldhæðni?

[Skúli (IP-tala skráð) 13.9.2010 kl. 17:35]

Gæti verið eftir einhvern af þessum hægribláu moggabloggurum hér sem nóg er af... en efast stórlega um það:).  Nóg er þó af þessum málflutningi!

[Rúnar Þór Þórarinsson, 15.9.2010 kl. 07:28]

Þurftirðu í alvöru að spyrja Halldór? :D :D

Fingurnir á mér fóru í uppreisn við að skrifa þessa þvælu og brotnuðu allir saman. Það kom rödd frá himnum líka og sagði mér að skrifa þetta ekki en ég gerði það samt!