V for Vendetta

"V for Vendetta" er mynd með öflugan boðskap.

 

Hér er ákall til yfirvalda - Hvernig væri að átta sig á honum áður en það er orðið of seint? Það er víst nóg af vel menntuðu fólki heima sem getur hjálpað ykkur að skilja hana. Svei mér þá ef grunnskólakrakkar átta sig ekki á henni.

 

Ég óska mótmælendum velgengni í að halda uppi réttlæti og hvet þá til að beita þeim meðulum sem þurfa þykir.  Ég vona að það þurfi ekki að leiða til þess að ranglæti sé beitt til að ná fram réttlæti, en hætt er við að sú stund nálgist.

Allir mótmælendurnir lausir

Athugasemdir

[Grétar (IP-tala skráð) 8.12.2008 kl. 21:54]

Það er allt gott og blessað með að mótmæla en á stundum finnst mér eins og fólk viti ekki hverju það á að mótmæla. Jú nú eru margir pirraðir og reiðir út í ríkisstjórnina og er deginum ljósara að þar hafa verið mörg mistök gerð en nú erum við ný búin að semja um fleiri fleiri lán sem eiga að koma á nokkurskonar jafnvægi á efnahagsástandið hérna og tel ég að það væri alvarleg mistök að láta landið verða stjórnlaust með einhverri valdatöku hluta úr almúganum.

Nú segja skoðanakannanir að flestir vilji ríkisstjórnina burt og svo vill meirihlutinn líka ganga í Evrópusambandið! En svo virðist sem sami hópur eða stór hluti hans, vilji fá VG í ríkisstjórnina. Er fólk ekki að gera sér grein fyrir því að við getum ekki bæði fengið VG í ríkisstjórn og ganga í Evrópusambandið. Vegna hvers? Nú vegna þess að VG eru eini stjórnmálaflokkurinn sem hefur skýra stefnu hvað varðar Evrópusambandið. Þeir vilja ekki sjá það!

Einnig hafa þessar sömu kannanir sýnt að flestir vilja skipta út ráðherrum. Fólk veit hinsvegar ekki hvern það vill í burtu né hverja á að velja í staðinn.

Það er í lagi að vera reiður og hafa skoðun, en í guðanabænum höfum þá skoðun og verum með hugmyndir hvað við viljum. Ég persónulega tel þetta fáránlegar aðgerðir að ráðast inn á Alþingi eða Seðlabankann og ætla að þannig sé okkur bjargað frá vesæld og volæði á landinu okkar kalda.

Nú gætu sumir sagt að ég sé aumingi sem þori ekki að taka á málunum og mega menn gott og vel vera með þá skoðun, ég ætla ekki að samþykkja það að við förum í hópum og ráðumst með ofbeldi að stjórnarmönnum þessa lands, það eru til aðrar aðferðir með friðsælum mótmælendaaðgerðum og þær munu virka mun betur til að fá fálk til að þjappa sér saman. Um leið og þetta fer út í svona hasar að þá fer fólk að vera hrætt við að mæta og mótmælendur munu smátt og smátt missa menn og mátt í sínum aðgerðum.

Ég biðst velvirðingar að koma ekki með heimildir hvað varðar þessar skoðanakannanir en menn verða bara að eiga það við sjálfa sig hvort þeir trúa mér eður ei.

Lifum í friði og reynum að gera hlutina skinsamlega.

[Daníel Sigurður Eðvaldsson, 8.12.2008 kl. 22:18]

V for Vendetta er frábær mynd af samfélagi heltekin af hræðslu og ritskoðun stjórnvalda. Þetta er ein af mínum top 5 myndum :)

Hvað varðar kosningar er ég á báðum áttum hvort ég vill kosningu eða ekki. Hvernig sem fer mun ég aldrei kjósa VG. Ég vill sjá hvað flokkarnir gera í næstu kosningu. Ég vill sjá nýtt fólk koma inn í stjórnmálin á Íslandi. Nýtt Ísland, nýtt fólk með þekkingu á sínu sviði og með metnað til að gera betur. Þeir sem hafa starfað í sama starfi lengi eiga það til að gera bara nákvæmlega það sama og alltaf og hugsa varla um að gera eitthvað nýtt.

Hvað varðar Evrópusambandið og Evru þá vill ég fara í aðildaviðræður og sjá hvað kemur úr þeim. Ef þær henta okkur segi ég já en ef þær henta okkur ekki segi ég nei.

[Rúnar Þór Þórarinsson, 10.12.2008 kl. 05:35]

Reyndar er stærri boðskapur myndarinnar sá að hryðjuverkamaðurinn er sá sem hefur rétt fyrir sér, og orsök þess að rétt var hjá honum að sprengja húsið í loft upp var m.a. sú að það sem ríkið átti að standa fyrir var orðið einskis virði. Byggingin sjálf var einskis virði því innihaldið var orðið rotið. Einnig að lítil þúfa veltir þungu hlassi. Einnig að sannleikurinn vill út... Svo mætti lengi telja. Það er tölvuert mikið meira í þessari ágætu mynd, eða hreyfilistaverki vildi ég sagt hafa, en hræðsla og ritskoðun stjórnvalda, þótt þar spili þeir þættir töluvert stórt hlutverk.

Virðingin sem hverjum manni er í blóð borin fyrir stofnuninni Alþingi, byggingunum, sögu og öðru slíku hefur orðið fyrir stórkostlegum hnekki. Þar dreifist fólk yfir alla línuna, allt frá því að vilja halda dauðahaldi í blekkingavefinn sem það var flækt í eins og sumir í fjölskyldu minni, eða t.d. Lúðvík sem kom fram í Kastljósi í kvöld og lýsti þvi yfir að stjórnarskráin væri ásættanlegt fórnarlamb þess að "bregðast hratt við" og að það væri eðlilegt að gerð yrðu mistök, t.d. eins og þau að koma eignum með ólögmætum hætti í hendur þeirra sem gerðu þjóðina gjaldþrota. Maðurinn er staurblindur! Hann hreinlega sér ekki, frekar en fjölmargir þingmenn hverskonar siðleysi þeir eru að troða upp á þjóðina sem "eðlilegu". Það er hreinlega ekki til stærri glæpur í þessu öllu saman en að gera þjóðina spillta og siðlausa þegar kemur að ábyrgð og virðingu fyrir lögum og eignum fólks.

Háskólanemar sem hlaupa inn í Alþingi í máttvana reiði eru ekki að gera NEITT sem kemst í hálfkvisti við þau afglöp sem gerð eru daglega af stjórnvöldum, bönkum og fjármagnseigendum sem eru löngu búnir að gleyma tilvist viðskiptasiðferðis. Fólk, eins og t.d. mágkona mín er gómuð við það að ljúga og leggja starfsheiðurinn að veði við að bakka upp lygar stjórnarinnar sem hún ver af veikum mætti. Það er mannskemmandi og er stöðugt í gangi.