Endurgreiddur gengishagnaður

Ég var áður búinn að skrifa að Bjarni þurfti ekki að endurgreiða þetta. Það er allt gott og blessað og enn rétt.

 

Hinsvegar, svona til að hafa allt í samhengi, þá millifærði Bjarni Ármannsson milljarðana sína til noregs þegar gengið á norsku krónunni var um 8.0 íslenskar. Í Október, þegar Bjarni kemur heim, var sú norska komin í 17.5 íslenskar eða þar um bil, þannig að ekki var endurgreiddur nema TÆPUR helmingur á raunvirði.Hann greiddi semsé gengishagnaðinn ekki allan til baka, en næstum því.

 

Rétt skal vera rétt :)

Athugasemdir

[, 6.1.2009 kl. 09:55]

Djöf..... skítapakk.   "Æ ég er svo sorrý - viljið þið ekki sjá aumur á mér - ég er heiðvirður drengur inn við beinið".   Nei Bjarni minn. Þú ert landráðamaður og átt ekki skilið að við fyrirgefum þér.

[Rúnar Þór Þórarinsson, 6.1.2009 kl. 13:42]

Well... ég verð samt að segja að hann hefur gengið lengra en NOKKUR annar af þessum dólgum þarna heima og fyrir það á hann skilið hrós. Eins fáránlega öfugsnúið og það hljómar þá á að fagna þessu skrefi hjá honum. Hann er fluggreindur náungi og viðkunnanlegur auðvitað, annars hefði hann aldrei náð þessum "árangri" sem hann náði. Það er ekkert annað við manninn að gera en að leyfa honum að verða að gagni fyrst hann býður upp á það.

Á þessu eru reyndar tvær mögulegar hliðar. Etv. er hann að vera einlægur eins og hann segir, og stendur í persónulegu uppgjöri. Það væri flott og ég vona það og vona jafnframt að hann haldi áfram. Hinsvegar er alveg eins líklegt að Bjarni sé að koma fram fyrir einhvern flokk, t.d. Sjálfstæðisflokkinn og taka skell fyrir hans hönd og setjast á listann fyrir næstu kosningar. Kaupa sér sæti á þing með því að róta upp moldviðri og vera ljósið í myrkrinu. Ég vona að svo sé ekki og maðurinn sé að reyna að vera heill.

Það er aðeins eitt sem er alveg á kristaltæru og það er að Bjarni Ármannsson er að leyna mjög miklu sem hann ekki vill eða þorir að segja frá að svo stöddu, og það væri alvarlega misráðið að fæla hann frá að koma almennilega út úr skápnum með þær upplýsingar. Batnandi manni er best að lifa.