Örvænting stjórnmálamanns - Rispuð plata

Góðir Íslendingar

 

Björn Bjarnason og stjórnmálamenn gærdagsins forðast í lengstu lög að nefna meginkröfu mótmælenda til framtíðarskipunar lýðveldisins, og það er breiðfylking fólks á bakvið nýja stjórnarskrá og gjörbreytingu á kosningakerfi lýðveldisins.

 

LÁTIÐ EKKI BLEKKJAST - Þeir munu þyrla ryki í augu ykkar með því að halda áfram að þvæla og vísa ykkur inn í speglasal gömlu stjórnmálaflokkanna, en nú þarf fyrst að halda á spöðunum í mótmælum. Þessir gaurar geta ekki séð þetta fyrir sér - þetta er martröð flokkanna - Við þurfum þetta - Við viljum þetta - Við neyðumst til að gera þetta sjálf!

 

Góðir Íslendingar, skiljið flokkapólitíkina eftir í fortíðinni þar sem hún á heima, hundsið þessa rykföllnu gúrúa og myndið nýtt íslenskt lýðveldi. Þeir vilja það ekki og beita sama gamla fyrsta vopninu - Þeir minnast ekki á það.

 

Fjölmiðlafólk þarf að hafa bein í nefinu - Sjáið kauða guggna í samtali sínu við Geir H. Haarde þar sem hann ætlaði greinilega að fara að spyrja um þetta en rann síðan inn í gamla, kunnuglega spurningafarveginn... þetta gengur ekki.

 

Fyrir mitt  leyti er mér sk*tsama hver tekur við í núverandi kerfi. Það mun þetta alltaf leiða til samskonar spillingar því þannig er búið um hlutina. Því verður það að breytast.

 

Kynnið ykkur málið á Nýtt Lýðveldi.

Upphaf á kosningabaráttunni

Athugasemdir

[Arnþór Snær (IP-tala skráð) 26.1.2009 kl. 00:18]

Heyr heyr.

Það er kominn tími til að Íslendingar fái að kjósa fólk á þing, ekki flokka.

[Steingrímur Helgason, 26.1.2009 kl. 02:02]

Ja, eða betra fólk í betri flokkum..