Tóku yfirvöldin féð OG var kennarinn að gramsa í skólatöskunni?

OK, barnavændi og öll þessi andskotans vitleysa í kringum slíkan rekstur er auðvitað fáranlegur EN það er ekki það sem er undarlegt við þessa frétt. Maður les nú ýmislegt og kippir sér svosem ekki upp við fyrri hluta þessarar fréttar - Það er óumflýjanlegt að ungar stúlkur selji sig/séu látnar selja sig hér og þar í heiminum af ólíkum orsökum.

Hvað var kennarinn að gera að gramsa í töskunni hennar? Tilgangurinn helgar EKKI alltaf meðalið. Hugsum aðeins til baka - Hvernig hefði verið að láta kennarana gera þetta við sjálfan sig. Ég var í heimavist og veit ekki til þess að einn einasti kennari hafi gerst svo djarfur að gera þetta í leyfisleysi. Reyndar er óumflýjanlegt, eins og með vændið, að slíkt gerist auðvitað út um allt, en líkt og vændið er gjörningurinn sjálfur ekki í lagi.

 

Ég klóraði mér þá fyrst í höfðinu er ég las að peningarnir voru teknir og greiddir til yfirvalda?! Hvernig dettur stjórnvöldum í hug að taka peningana hennar og borga þá til sjálfra sín? Ég á ekki orð. Hvernig væri að verja þessum peningum til, tja, uppbyggingar á sjálfsímynd stúlkunnar í stað þess að strá salti í sárin. Ekki nóg með að hún sé misnotuð af hórumömmunni og gröðum körlum - Þetta er jú stúlka undir aldri - heldur er afraksturinn tekinn traustataki af yfirvöldum. Þannig að karlarnir borguðu í raun ríkinu fyrir að ríða stúlkunni í þessa mánuði.

Siðgæðisnefndin þarna aðeins á villigötum. Ætli þeim finnist þeir ekki vera að kenna henni lexíu...

 

Skólastúlka seldi blíðu sína um helgar

Athugasemdir

[Hildur (IP-tala skráð) 27.2.2009 kl. 12:07]

Ég var í skóla í Bandaríkjunum og þar máttu kennarar skoða í skólatöskur ef grunur lék á að nemendur hefðu eitthvað í för með sér sem var bannað (oftast var það samt hass en ekki sleipiefni). Kannski gerðist eitthvað svipað þarna, maður heyrir náttúrulega ekki alla söguna.

[Rúnar Þór Þórarinsson, 28.2.2009 kl. 00:06]

Nei, satt er það, fréttin þyrfti að vera mun nákvæmari. En það breytir ekki atriðinu með peningana.