Sýnum rausnarskap!

Hvernig væri nú að ljúka þessu máli með reisn og koma almennilega til móts við þessa menn? Íslendingar þurfa ekki síður að bæta fyrir það sem þeir gerðu sjálfum sér með því að gjaldfella mannlega reisn, réttlæti og samkennd. Þetta mál er hluti af því ferli að snúa blaðinu við og breyta rétt.

 

800.000 kr. fyrir eyðilagða barnæsku og í mjög mörgum tilvikum ónýtt líf? Er verið að spauga með þá enn og einu sinni. Aukum skattekjur ríkisins þó ekki væri nema einhverja ögn í eitt ár og snörum því út fyrir þessa menn. Hve mörg hundruð milljónir væri hálft prósent?

 

Leggjum á Breiðavíkurskattinn og greiðum þar með sekt síðustu kynslóða við þessa menn - Þá tekur öll þjóðin þátt í því að taka utanum þessa menn, marga hverjua s.k. "ógæfumenn" og segja: "Okkur þykir þetta leitt. Verið svo góðir að taka á móti þessum sárabótum."

 

Komandi kynslóðir verða hvort eð er önnum kafnar við að greiða skuldirnar upp eftir aumingjaskap núverandi "ungu og kraftmiklu" kynslóðar fjárníðinganna sem landið byggja. Ekki nema sanngjarnt að við tökum á okkur byrðar síðustu kynslóða og sýnum gott fordæmi.

Engin sátt í Breiðavíkurmáli