Örvæntingarfullir bloggarar!

Prófið að lesa sjálfstæðismennina sem nú blogga sem mest þeir mega um örlög flokksins. Alveg makalaus skáldskapur sem kemur úr þeirra garði, margir bloggaranna leyfa ekki komment á þvæluna úr sér (allt íhaldsmenn sem vilja predika en ekki hlusta), lygar og óhróður, blinda, heimska og þaðanaf verra.

 

Og svo eru líka nokkrir sem horfast í augu við stöðuna og játa því að nú þurfi almennilega að taka flokkinn, stofnunina sem hann er og hvað hann hefur reynst standa fyrir í algera yfirhalningu. T.d. sambloggari minn Þrymur Sveinsson sem hefur varið hann með kjafti og klóm en talar nú fyrir naflaskoðun - Til hamingju með það gæskur! Hinum megin við girðinguna skal ég gæta þess að þeir sem eru að fara að vinna þessar kosningar sökkvi ekki í fen spillingar og hræsni og refsa þeim ef þau gera það.

 

Heyrið það næsta ríkisstjórn? Það verður fólk á vaktinni gegn spillingu héðanaf. Æðstu ráðamenn þjóðarinnar komast ekki héðan í frá upp með leynimakk, aumingjaskap og spillingu. Við verðum aldrei FLokkurinn.

 

Ykkar áhyggjur eiga að vera af því að vinna til ykkar atkvæði okkar - Ekki það að tapa þeim frá ykkur!

 

Það er ÞAÐ sem felst í því sækja fylgi sitt til róttækra lýðræðissinna og félagshyggjufólks. Það er lýsing mín á kynslóðinni sem er að fóta sig eftir hrunið. Það er það sem hún á sammerkt.

Sögulegar kosningar

Athugasemdir

[Björgvin R. Leifsson, 24.4.2009 kl. 23:07]

Það segir sitt um málefnafátækt SjáLfstæðisFLokksins að hann er búinn að gefast upp á að lýsa eigin ágæti en eyðir grimmt í auglýsingar um aðra flokka.

[Jóna Kolbrún Garðarsdóttir, 25.4.2009 kl. 01:28]

Ég tók meðvitaða ákvörðun fyrir 6 vikum síðan að ganga í Borgarahreyfinguna.  X-O Þjóðin á þing, er mitt framlag til breytinga.