Ofbeldi er nauðsynlegt

Ofbeldi leysir ekki vandann eitt og sér. En það sem orðið er ljóst er að ef engin hætta er á blóðsúthellingum, þá munu ráðamenn halda áfram að samtryggja sig og hvergi hnika í stefnu sinni og aldrei nokkurntíman skammast sín eða taka ábyrgð á neinu. Þeir eru atvinnumenn í að sitja undir ræðum manna og taka ekkert mark á þeim, sjáið hvað þeir gerðu við varnaðarorð hagfræðinga og VG á undanförnum árum.

Þessir menn hafa engu að tapa persónulega, eru allir á þurru með ofurlaun og engar skuldir. Þeir skilja ekki fólk, hlusta ekki á það.

Ég stórefast um að þeir hlusti á nokkuð annað en hótanir um ofbeldi. Traust þeirra á siðaða framkomu og þrælslund og einkavinavædda kjósendur sinna er það sem heldur þeim í valdastólnum. Þeir hlusta kannski á fólk þegar höfuð taka að rúlla. Þá er ég ekki að tala um þeirra hausa, heldur allt eins píslarvætti úr röðum mótmælenda. Ætli þeim væri sætt eftir það? Reyndar gæti það verið. Ekki virðist sjálfsmorðshrina skuldsettra fjölskyldufeðra fá á Geir Haarde. Hann sekkur bara dýpra í afneitun.

Þetta eru dálítið kuldalegar pælingar, en samt ekki alveg út í hött...

„Við viljum bara réttlæti“

Athugasemdir

[Kiddi Blö, 1.12.2008 kl. 22:24]

Ég er þér hjartanlega sammála !

[Jóhann G. Frímann, 4.12.2008 kl. 21:14]

Við verðum að fara varlega. Máltækið segir: Sjaldan launar kálfurinn ofbeldið.