Eldheitt kjólablogg!

Þetta var frábærlega sexý kjóll. Blái liturinn vakti minningar um himinn og haf og trausta hagstjórn, rödd Jóhönnu minnti mig á að til er himnaríki og þar munu englar taka á móti mér, fegurð hennar minnti á sólarupprás og sólsetur í senn, lagið var svo yndislegt að dauðir vöknuðu til lífsins til þess eins að njóta tóna og orða hinsta sinni, umgjörðin öll hafði slíkan lækningamátt að áheyrendur læknuðust umsvifalaust af meinum stórum sem smáum og þegar Jóhanna mælti til þjóðarinnar féll hvert mannsbarn á kné og bað til Guðs um að sem flestir yrðu eins yndislegir og hún.

 

Einstaklega þroskuð ung kona í góðu jafnvægi. Alveg ótrúlegt að hún sé aðeins 18 ára.

Líkti Jóhönnu við Scarlett Johansson

Athugasemdir

[Steingrímur Helgason, 19.5.2009 kl. 23:09]

Rúni, þetta var ESB flagg, án stjarnanna...

[Jóna Kolbrún Garðarsdóttir, 20.5.2009 kl. 01:10]

Jóhanna er góður fulltrúi ungu kynslóðarinnar okkar. 

[Rúnar Þór Þórarinsson, 20.5.2009 kl. 03:43]

Enginn húmor í gangi hérna...

Hún er annars alveg hreint stórvelgefin þessi unga kona, það er ekkert djók. Gaman að sjá hana í Kastljósinu hvað hún bar af öllum, og þá er nú til nokkurs að vinna með Astró Píuna sér við hlið sem er ekkert smáræðis glæsiverk þróunarverksins.