Þetta gerist...

Spámannsgleraugun sett upp:

 

Málið verður fellt naumlega.  Einöngruð þau atriði sem fólki finnst að gangi of langt (möguleiki á að ganga að þjóðarauðlindum a-la IMF mafían), gengið aftur til samninga, þessi atriði strauuð og samið aftur á mettíma með betri samning. Málið samþykkt.

 

Þetta væri óskastaða.

 

Óskastaða+9 = Erlendir fjölmiðlar upplýstir um ströggl og barning Íslendinga við að ná lendingu samtímis því að berjast við að veita þeim sem komu okkur í þetta klandur makleg málagjöld.

Strandi Icesave, strandar allt

Athugasemdir

[Finnur Bárðarson, 26.6.2009 kl. 14:52]

Hef heyrt í verri spámönnum :) En ég er hræddur um að viðsemjendur okkar muni ekki setja upp neina silkihanska.

[Gísli Már Sigurjónsson (IP-tala skráð) 26.6.2009 kl. 14:54]

Ég skal glaður borga icesave ef að þeir sem komu mér í þá stöðu að þurfa að borga icesave fari í fangelsi fyrir að láta mig borga icesave.

[Haraldur Hansson, 26.6.2009 kl. 16:16]

Þetta síðasta sem þú nefnir, að veita sakamönnum makleg málagjöld, er atriði sem er of stórt til að vanrækja það.

Ef við gætum sýnt fram á það og sannað að lögum, að hér hafi nokkrir menn framið glæpi, væri mórölsk staða betri. Við verðum að sýna að við séum að gera eitthvað í málinu.

Á meðan ekkert er hreyft við meintum sakamönnum lítur það illa út í augum annarra, næstum eins og okkur finnist þetta allt í lagi eða lítum ekki á athæfin sem lögbrot. Það hvetur erlenda viðsemjendur ekki til mildra/sanngjarnra samninga. Þarna erum við að klikka á heimavinnunni.

[Púkinn, 26.6.2009 kl. 16:27]

Nokkuð til í þessu, en eins og ég segi hér, þá eru þetta nefnilega tvö mál - annars vegar hvort við samþykkjum skuldbindinguna um að borga Icesave og hins vegar hvort við samþykkjum þessa tilteknu útfærslu....og 5.5% vextina.  Menn geta verið ósammála útfærslunni með ýmsum rökum, en miðað við það sem á undan er gengið sé ég ekki hvernig eigi að hafna skuldbindingunni.

[Eiður Ragnarsson, 30.6.2009 kl. 00:39]

Þessi samningur er kúgun, eftirköst nýlendustefnu eða eitthvað ennþá verra... 

Vextirnir of háir, bundið í erlendri mynt og of hátt hlutfall af þjóðartekjum... Við getum ekki borgað þetta, til þess þarf að vera hér jákvæður viðskiptajöfnuður uppá 35 - 45 miljarða næstu 7 árin eða lengur.  Það hefur aldrei gerst í íslenskri sögu að ná slíkum viðskiptajöfnuði og hvað þá í svona langan tíma....

Þetta veit ég meðalgreindur maðurinn og því skil ég ekki hví þessir háu hamenntuðu herrar sem sömdu þessa vitleysu sjá það ekki...

Og eitt enn, það á að tka skýrt fram í samningum sem þessum hvað það er sem sett er að veði, það er í það minnsta gert þegar við smásílin semjum um kaup og kjör í lanamálum okkar, en það er ekki inn í þessum 700 miljarða samningi.  Það á að vera skílaus krafa Alþingis að það sé gert og því ber þinginu að fella þennan samning...

Ég er ekki viss um að ég kæri mig um það að vera hér á klakanum ef þetta verður samþykkt, ég er ekki viss um að skömtunarseðlar og annað slíkt sé eitthvað sem ég fíla eitthvað sérstaklega mikið....

[Rúnar Þór Þórarinsson, 3.7.2009 kl. 04:53]

Já Eiður.

Og hefði ekki verið alveg frábært hjá fólki að setja ekki lög og skrifa undir kúgunarsamninga, einkavæða bankana, lama fjármálaeftirlitið og aðrar eftirlitsstofnanir síðustu tvo áratugi. Fyrir utan auðvitað að ganga ekki á undan með viðbjóðslegri græðgisvæðingu samtímis.

Ég er reyndar hámenntaður, en vissi þó að það var eitthvað hræðilegt að gerast. Maður þarf ekki að hafa merkilega siðferðistilfinningu til að gera sér grein fyrir því hvað núverandi stjórnarandstaða var með þjóðina í hræðilegum farvegi. Þeir gerðu bara EKKERT rétt.

Þessi stjórn er þó búin að gera verulega margt gott, þótt endurskoða þurfi þessa Icesave samninga.