Ljómandi aðferð til annarskonar vitleysu

Allt landið sem eitt kjördæmi er ljómandi aðferð til þess að fjarlægja málsvara landshlutanna og þeirra hagsmuna sem þar eru og láta fólk sem jafnvel hefur aldrei komið austur fyrir sanda fjarstýra málum á Austurlandi. Nýlendustemning.

 

Það virkar þegar þú heitir Baddi og hatar sveitina fyrir utan að fíla kjötið sem þaðan kemur (erlendis frá)

 

Þessu sama er ekki að fagna með þingmenn utan af landi sem eru kosnir til alþingis, þeir flytja allir sem einn á Suð-vesturhornið og renna þar saman við menningu og viðkomandi flokkskúltúr, að hluta til að minnsta kosti. Eins og ekki hafi komið nógu mörg þingmál frá Reykjavíkurgrundvölluðum þingflokkum sem hlunnfara vinnandi fólk út á landi (sem framleiðir raunveruleg verðmæti). Með flokkakerfið við stjórnina mundi það gerast að heilu landshlutarnir yrðu án talsmanns á alþingi.

 

Annars mundi þetta virka skár ef kerfinu væri gjörbreytt, t.d. persónukjör væri viðhaft og flokkapólitík réði ekki öllu. Eða a.m.k. yrði það skárra.

Úreltar forsendur fyrir ójafnræði