Hvaða vörumerki var þetta?Hver framleiddi?

Var biðskýlið sektað? Augnablik - Auðvitað er réttlátt að bæta stúlkunni skaðann - En hver er ábyrgur fyrir galla á umbúðum og ófullnægjandi umbúðamerkingum? Hvað með eftirlit og reglur?

 

Etv. átti smásöluaðilinn beinan þátt í þessu, en ef hann hvorki framleiddi, pakkaði né merkti vöruna hljómar þetta mjög einkennilega. Þá mætti alveg eins dæma starfsfólkið í sjoppunni.

 

Annars er alveg fáránlegt að Mogginn birti ekki hvaða vara þetta er svo almenningur geti forðast hana.

Fær skaðabætur fyrir að súpa á sælgætisúða

Athugasemdir

[Adam Hart Fjeldsted (IP-tala skráð) 18.11.2009 kl. 14:08]

"þann 19. ágúst árið 2003 svokallaðs „Sour Blast“ sælgætisúða"

[Sigurbjörg (IP-tala skráð) 18.11.2009 kl. 14:09]

"svokallaðs „Sour Blast“ sælgætisúða"

http://www.candywarehouse.com/sourcandyspray.html

Annars held ég að það sé löngu hætt að framleiða þetta. Þetta var í miklu uppáhaldi hjá mér, og ég hef ekki rekist á þetta neins staðar síðustu ár.

[thora gunnarsdottir (IP-tala skráð) 18.11.2009 kl. 14:09]

eitt sinn flutti ég inn sprittkerti með gylltri húð í búðina mína. einhver sem keypti kertið setti það beint á borð og kveikti í. gyllta húðin á kertinu olli því að vaxið hitnaði mikið og kom hitablettur á borðið eftir kertið. skv íslenskum lögum varð ég að greiða viðskiptavininum borðið. ég spurði neytendastofu hvort ég gæti selt restina af lagernum með viðvörunarmiða á og þ.a.l. fríað mig skaðabótum ef upp kæmi aftur. svarið var "nei" . kertunum var hent.

 okkur sem endursöluaðilum ber náttúrulega að bera ekki á borð hættulega vöru fyrir viðskiptavini okkar.

[Gunnar (IP-tala skráð) 18.11.2009 kl. 14:34]

Dómurinn er hér: http://www.domstolar.is/domaleit/nanar/?ID=E200604598&Domur=2&type=1&Serial=1&Words=

Lögmaður sjoppunnar heldur fram að EES-réttur hafi verið ranglega innleiddur þannig að sjoppurnar í landinu ættu ekki að bera svona víðtæka ábyrgð ef annað hvort framleiðandi eða innflytjandi er þekktur og er enn til staðar. Skv. tilskipun ESB bera smásalar ekki svona víðtæka ábyrgð, heldur s.k. varaábyrgð.

[Rúnar Þór Þórarinsson, 29.11.2009 kl. 04:40]

Yikes - Hoppaði þarna yfir línuna með "Sour Blast" - Það hlaut líka að vera sagt frá því...

Frekar hart fyrir innflytjandann, en ég býst við því að einhversstaðar verði ábyrgðin að kikka inn. Smásalinn/innflytjandinn getur svo sennilega sótt málið til framleiðandans.