Missið ekki sjónar á boltanum

Þetta er moldviðri. Veitið þessu svona passlega athygli. Haldið athyglinni þar sem hún þarf að vera - Á því hvaða UMBÆTUR á grunnkerfum þjóðarinnar fara fram!

 

Allt annað skiptir í raun litlu máli, það er á okkar ábyrgð að afkomendur okkar taki hér við góðu landi, næsti áratugur a.m.k. er undirlagður fjárhagslegri eymd og volæði í boði ríkisstjórna Sjálfstæðisflokks og Framsóknar.

 

Gangið þannig frá að næsta árhundrað verði tímabil stolts, atorku og bjartsýni í boði Fólksins.

Ásaka hvert annað um hroka

"Lenti í hremmingum" - NEI ALDEILIS EKKI

Það veit hvert mannsbarn að þessar hremmingar sem þjóðin "lenti í" voru ekki utanaðkomandi eins og greinarritari vill vera láta.

 

Ríkisstjórnir Sjálfstæðisflokks og Framsóknar voru búnar að vera sem krabbamein á þjóðinni í meira en áratug og búnar að gjöreyðileggja hér allt kerfisbundið, með hugsjónageðsjúklinga nýfrjálshyggjunnar innanborðs.

 

Við "lentum" ekki í neinu. Til þessara hörmunga var boðið í nafni grægði, fyrirhyggju- og skefjaleysis. Þessir þingmenn geta bitið úr nálinni með það og að lokum:

 

VÆRI MOGGINN TIL Í AÐ HÆTTA AÐ REYNA AÐ INNPRENTA ÞJÓÐINNI HEIMSKU - VIÐ HÖFUM FENGIÐ NÓG AF ÞVÍ!

Baksvið: Þingvallastjórnina þraut örendið

Ríkisstjórn næstu 100 daga - Einföld skilaboð til ykkar

Til ríkisstjórnarinnar sem mynduð verður

 

Hvað sem þið gerið þá verður allt snarvitlaust ef þið ekki hugið að grundvallaruppbyggingu stjórnskipunarinnar- Allur almenningur sér í hendi sér að núverandi form getur af sér þennan flokksræðisfjanda sem allt drepur. Við sættum okkur EKKI VIÐ að einungis taki ný stjórn við - Sennilega verður hún leidd af þeim einu sem eru "hreinir" af skítnum sem þjóðinni var bolað í - Vinstri Grænum - En þá er það á ÞEIRRA ábyrgð að móta nýtt Ísland.

 

Grípið nú tækifærið og lagið það sem VIRKILEGA er að án þess að fólk þurfi að hýða ykkur til þess. Takið fremur frumkvæðið og hafið fólkið með í ráðum. Virkilega, VIRKILEGA hlustið og skiljið hvað það er sem gerir menn því sem næst ódauðlega leiðtoga, en það er stjórnviska og fórnfýsi á erfiðum stundum og mótun framtíðarríkisins. Íslendingar eiga fjölmarga snillinga í sínum röðum sem komið hafa fram á síðustu mánuðum og sitja ekki á alþingi. Haldið fundi og ráðið ráðum með þessu fólki svo leysa megi úr þessu á friðsælan og siðmenntaðan hátt.

 

Munið að formið mótar leirinn!

Vinstri grænir reiðubúnir til viðræðna

Blásum þetta út þ.s. þetta skiptir ENGU MÁLI

Djöfulli getur fólk verið heimskt! Þetta kemur framgangi byltingarinnar ekkert við. Auðvitað á fólk ekki að segja svona, eins og það geri sér það ekki ljóst þegar það les þetta. Maðurinn er veikur, end of story.

 

Þetta breytir engu fyrir það sem gera þarf, held reyndar að Geir myndi segja það þótt hann væri mér ósammála um HVAÐ þyrfti að gera.

 

Að gefa Mogganum og samsuðsbloggurunum úr íhaldinu færi á því að drepa málinu svona á dreif er alveg með ólíkindum. Þetta deyr sem betur fer út eftir nokkra daga ef fólk er ekki alveg heiladautt og nú, í fyrsta skipti árum saman, líður mér eins og þjóðin sé ekki í einhverju bölvuðu móki.

 

Burt með Geir og alla hans ríkisstjórn, Seðlabankastjórn, Fjármá.... ó, þeir eru víst farnir... OK, allt þetta lið, í steininn með Hreiðar Má & co. Peningana OKKAR frá Lúxembúrg, bananalýðveldum og Cayman eyjum og aftur upp á klakann.

 

En helst af öllu - Nýja stjórnarskrá, nýtt Ísland!

„Ekki farin að finna til með honum ennþá“

Okkur er sama!

Þetta snýst ekki um Vinstri Græn - Örvæntingarfull tilraun Björns Bjarnasonar til að draga flokkapólitíkina á mitt sviðið er dæmd til að mistakast.

 

VG, Sjálfstæðisflokkurinn og Samfylkingin eru ekki lausnin. Björn vill viðhalda því sem þjóðin vill skilja að baki og mun reyna að draga þá fram í sviðsljósið við hvert tækifæri. Kolkrabbinn mun verða kyrktur fyrir vorið nú endanlega og bölvaður smokkfiskurinn hans Björgólfs í leiðinni. Við göngum af þessu öllu dauðu án þess að úthella einum einasta blóðdropa eða misbjóða annarri gangstéttarhellu.

 

Það sem þetta þarf að snúast um fyrst og fremst er að finna á http://www.nyttlydveldi.is og hér er það sem ég hef um það að segja í bili.

Segir þingmenn VG hafa veist að lögreglu

Örvænting stjórnmálamanns - Rispuð plata

Góðir Íslendingar

 

Björn Bjarnason og stjórnmálamenn gærdagsins forðast í lengstu lög að nefna meginkröfu mótmælenda til framtíðarskipunar lýðveldisins, og það er breiðfylking fólks á bakvið nýja stjórnarskrá og gjörbreytingu á kosningakerfi lýðveldisins.

 

LÁTIÐ EKKI BLEKKJAST - Þeir munu þyrla ryki í augu ykkar með því að halda áfram að þvæla og vísa ykkur inn í speglasal gömlu stjórnmálaflokkanna, en nú þarf fyrst að halda á spöðunum í mótmælum. Þessir gaurar geta ekki séð þetta fyrir sér - þetta er martröð flokkanna - Við þurfum þetta - Við viljum þetta - Við neyðumst til að gera þetta sjálf!

 

Góðir Íslendingar, skiljið flokkapólitíkina eftir í fortíðinni þar sem hún á heima, hundsið þessa rykföllnu gúrúa og myndið nýtt íslenskt lýðveldi. Þeir vilja það ekki og beita sama gamla fyrsta vopninu - Þeir minnast ekki á það.

 

Fjölmiðlafólk þarf að hafa bein í nefinu - Sjáið kauða guggna í samtali sínu við Geir H. Haarde þar sem hann ætlaði greinilega að fara að spyrja um þetta en rann síðan inn í gamla, kunnuglega spurningafarveginn... þetta gengur ekki.

 

Fyrir mitt  leyti er mér sk*tsama hver tekur við í núverandi kerfi. Það mun þetta alltaf leiða til samskonar spillingar því þannig er búið um hlutina. Því verður það að breytast.

 

Kynnið ykkur málið á Nýtt Lýðveldi.

Upphaf á kosningabaráttunni

Að vinna vinnuna sína

Ég tileinka þenna blogg þeim sem eru að vinna vinnuna sína:

Fjöldafunda mótmælendur með áherslu á málefnin: Þetta eru Raddir Fólksins. Þau eru stjórnmálaarmur Sinn Fein -Tala skýrt og skiljanlega. Þeir vinna vinnuna sína - Skynsemisvinna

Fjölmiðlar: Loks búnir að taka við sér eftir áratugarsleikjuskap við fjármálafylleríið. Mikið leið mönnum vel þá, loksins eru þeir að vinna vinnuna sína .

Ofbeldisfullir mótmælendur: Þetta er fólkið sem ekkert gerist án. Hver maður man ekki þá stöðu að flokkarnir ætluðu fyrir viku síðan að sitja út kjörtímabilið. Þeir eru ekki að ganga yfir strikið að neinu verulegu leyti, fyrir utan nokkrar gangstéttarhellur sem fengu að fljúga. Þetta fólk er að vinna vinnuna sína og ljá orðum Radda Fólksins brodd og kraft. Það er ekki hægt að líta framhjá því að þetta ofbeldi er algerlega nauðsynlegt til að gera fólkinu sem situr í skjóli gallaðra laga ljóst, að Fólkið Er Lögin. Þetta fólk er að vinna vinnuna sína.

Appelsínugulir:  Forða skal meiðslum á fólki í lengstu lög. Þetta réttsýna hugrakka og friðsæla fólk stendur á milli ofbeldismanna og þeirra sem stjórnvöld stilla fyrir framan sig til að verja sig í nafni eigna þjóðarinnar eins og t.d. þess að "alþingishúsið má ekki brenna". Þetta fólk er að færa ofbeldið nokkra metra fjær lögreglunni, forða því að byltingin fari að snúast um fórnarlömb og fókusinn haldist á framtíðinni. Þetta fólk er að vinna vinnuna sína.

Lögreglan: Þetta fólk er ekki síður hugað. Það hefur skrifað upp á að viðhalda lögum og reglum sem í hinum fullkomna heimi endurspeglar vilja fólksins - Lögin eru þjóðin í hinum fullkomna heimi. Yfirleitt eru þeir að fylgja eftir lögum sem sett eru og virka í þágu borgaranna. Hinsvegar eru þeir í erfiðri aðstöðu þegar lögreglan veit að lögin, umgjörðin og afleiðingar laganna eru orðin rotin. Lögreglan hinsvegar þarf að vinna fólki tíma til að gera það sem rétt er. Lögreglan þarf líka að beita ofbeldi á móti öfgamönnum úr hópi mótmælenda - Án lögreglunnar hefur valdstjórnin enga vernd, og svoleiðis á það etv. að vera. Hinsvegar, á meðan lögreglan hangir inni sem andlit valdstjórnarinnar og reiðinni beint að henni veitist mönnum dýrmætur tími til að bregðast við óróa. Þann tíma þarf bara að nota. Hinsvegar velkist enginn í vafa um að lögreglan er að vinna vinnuna sína.

 

Ég gæti bætt við nokkrum málsgreinum um þá sem eru EKKI að vinna vinnuna sína. En ég vil tileinka þennan blogg því fólki sem er að leika sitt hlutverk í byltingunni - Bæði þeim sem drífa hana áfram með líkamlegu afli, óforsjálni og viðspyrnu eða með því að tala fyrir hana eða til að tempra hana.

Mótmælt á tveimur stöðum

Samfella samvisku og hagsýni

Það kemur sér vel fyrir Samfylkinguna að Björgvin segi af sér. Hann býr í haginn fyrir sína eigin pólitísku framtíð með þessu. Hefði verið margfalt sterkari aðgerð fyrir 6 til 7 dögum áður en endanlega upp úr sauð í kjölfar þess sem kom upp úr kafinu með Kaupþing og hina svokölluðu "fjármögnun" þeirra frá furstanum eins og úr 1001 nótt og innherjalánastarfsemi upp á tugmilljarða þegar almenningur hafði ekki getað fengið lán fyrir einföldum og sjálfsögðum hlutum í heilt ár.

Auðvitað hefði verið sterkara pólitískt séð fyrir Björgvin að segja af sér fyrir það.

Eftir allt hans klúður, þarf maður að spyrja sig hver vel Björgvin var upplýstur um stöðu mála. Mér finnst hans ferill lykta af blóraböggulshlutverkinu. Munum að Björgvin er sá eini á alþingi situr sem tók t.d. sín lán í erlendri mynt en það fólk er að fara LANGverst út úr málum. Á einhvern undraverðan hátt, þá var virtust ALLIR á þingi hafa nasaþef af því hvert stefndi án þess að segja nokkurn skapaðan hlut við almenna borgara en: "Hér ríkir botnlaust góðæri. Bölspár eru lygar og áróður erlendra manna sem vilja okkur illt. Brjálaðra auðmanna sem vilja knésetja okkur."

Staðreyndin varð hinsvegar sú að verið var að standa vörð um innlenda auðmenn sem knésettu okkur. Og hvar stóð Björgvin í því? Hann tók sér og fjölskyldu sinni lán af versta mögulega tagi og lenti jafn illa út úr þessu og sá hluti þjóðarinnar sem nú er verst staddur.

Ég veit reyndar ekki um hagi Björgvins nákvæmlega, etv. er hann kvótaerfingi með silfurskeið í munni og er sk*tsama þótt hann borgi margfalt upphaflegt verð fyrir íbúðina. Kannski ekki. Horfa þarf þó í það að Björgvin hefur ætíð sagst ætla sér að taka ábyrgð á þessu klúðri, HANN TEKUR ÁBYRGÐ eftir að hafa reynt að veita hruninu viðspyrnu OG REKUR FJÁRMÁLAEFTIRLITIÐ Í LEIÐINNI.

Fólk sem er að blogga um þetta og hatast sem mest við Björgvin þyrfti nú aðeins að slaka á og sjá að hann er að taka pólitíska ábyrgð og láta undan kröfum almennings um að skipta um í brúnni. Hann er farinn, FME er farið...

 

Nú eru eftir Seðlabankinn, ríkisstjórnin, flokkarnir (sumir öðrum fremur) - köllum þessa þrennu skipuleggjendur Auðræðisins - eigendur og fjárglæframenn bankanna sem eiga eftir að bíta úr nálinni með sína spillingu. ÞETTA SKAL ALLT ÚT.

 

Að síðustu er það svo ENDURFÆÐINGIN sjálf sem er eftir, og trompar allt framangreind formsatriði, en það er endurritun stjórnarskrárinnar, nútímavæðing valdakerfisins, hönnun sjálfsleiðréttingar kerfisins og sanngjarnt og einlægt uppgjör við fortíðina sem VIÐ ÖLL vorum virkir þáttakendur í - Lýðskrums, siðblindu og sinnuleysis gagnvart henni, verðmætamats og sjálfsblekkingar. Sú tíð er liðin að ég og aðrir borgarar friðþægjumst við að bölsótast út í spillingu og siðblindu sem við horfum breiðast út um samfélagið - Deila um það og og hneykslast, rífast á kaffistöðum, skipum, fólksflutningabifreiðum og flugvélum hvort sem mælt er gegn gjaldi eður ei, eins og þar stendur.

 

RÍFA ÞARF UPP MEÐ RÓTUM! HÉR VERÐUR EKKI LÁTIÐ STAÐAR NUMIÐ FYRR EN BYLTINGUNNI ER LOKIÐ AÐ FULLU!

Björgvin segir af sér

Tímamótaverkefni!

Þetta er algerlega nauðsynlegt - Mun nauðsynlegra en annað sem þarf að taka á.

Hér þarf að tryggja að ekki sé tjaldað til einnar nætur með framtíð landsins, heldur þarf að ráðast að rót vandans sem er ósjálfstæði löggjafarvalds og framkvæmdarvalds gagnvart hvoru öðru.

Það fólk sem stýrði hér landinu í þrot var í raun, ef svo má segja, ekki sjálfrátt heldur er skipbrot sem þetta óhjákvæmileg afleiðing gallaðs forms. Formenn flokkanna, sem iðulega eru ráðherra/framkvæmdavaldið, eru sama fólkið í núverandi formi og leggur fram lögin. Þeir flokksmenn sem rísa gegn formanninum/ráðherranum/frumvörpunum eru svo útskúfaðir sem uppreisnarseggir og liðleskjur - Tökum Kristinn H. Gunnarsson sem dæmi - Fylgdi ekki flokkslínunni og veitti virkt aðhald og var innan skamms eins og bastarðurinn sem flokkurinn skammaðist sín fyrir.

Ástæðan fyrir því að ég segi ÓHJÁKVÆMILEG er að ráðherrunum skjátlast eins og öðrum, og þurfa virkt, sjálfstætt og gagnrýnið aðhald fólks sem er sjálfstætt frá ráðherrunum.

Það er því ekkert vit í öðru en að koma á kerfi sem svipar til þess sem t.d. tíðkast í Bandaríkjunum, þar sem forsetinn og ráðuneyti hans starfar sjálfstætt gagnvart þinginu og öfugt. Það verður að eiga sér stað virk samræða á milli framkvæmdarvaldsins og löggjafans.

Sem stendur er lögþingið svo ósjálfstætt að þeir gætu alveg eins verið heima, og við sparað okkur að þurfa að greiða þingfararlaun til allra þessara þingmanna sem er gert að fara eftir því sem formennirnir segja eða kveðja frama sinn innan flokksins ella. Flokkskerfið íslenska stuðlar að því að þeir sem hafa sterkast hjarðeðlið veljast fremst í flokkana og hugsi á endanum sem minnst sjálfir og geri bara það sem þeim er sagt.  Ísland hefur ekkert við slíka "forystu" að gera.

Ef þetta er hinsvegar bætt, þá mun þetta lagast af sjálfu sér, þess er ég algerlega fullviss. Meðal annars vegna þess að ég held að fólk flest sem situr við stjórnvölinn ætli sér góða hluti en það sé ekki í mannlegu valdi að komast hjá hinu hræðilega heilaþvottaruppeldi sem flokkskerfið krefst.

Hvítborðar boða Nýtt lýðveldi

Minnir á samúðina með Ingibjörgu

Eða hvað? Minnir þetta þig ekki á alla samúðina sem Ingibjörg hefur fengið í sinni baráttu?

 

Eða minnir þetta kannski á það hvernig síðustu 10 mínútur fyrir tilkynningu Geirs í hádegisfréttum RÚV fóru í að skíta yfir samfylkinguna fyrir að vera ekki búin að gera hallarbyltingu á móti Ingibjörgu þ.s. hún hefur ekki getað verið 100% við stjórnvölinn upp á síðkastið. Vitna í allskyns "Flokkurinn er stjórnlaus." yfirlýsingar, og gera að því skónum að flokkurinn standi og falli með Ingibjörgu einni vegna þess að hún hefur ekki viljað stíga til hliðar sökum æxlismyndunar sem reyndist GÓÐKYNJA en ekki illkynja.

 

Kemur engum þetta spánskt fyrir sjónir - Geir kynnir þessar hræðilegu fréttir (sannarlega finn ég til samúðar með honum og fjölskyldu hans) fyrir miðstjórn sjálfstæðisflokksins, og þeir setja strax í gang með því að nýta sér ítökin á fréttastofunni til að undirstrika meinta arftakamenningu sjálfstæðisflokksins og bera hana saman við meint arftakaleysi  Samfylkingarinnar sem snýr ekki bakinu svo glatt við Ingibjörgu, sem er frömuður á margan hátt, þótt hún hafi misstigið sig nokkuð á síðasta ári.

 

Mér finnst þetta viðbjóðslegt, en það er ekki við öðru af sjálfstæðisflokknum að búast. Að nota umhyggju og hlýjar tilfinningar Samfylkingarinnar til síns formanns sem á í veikindum til þess að gefa í skyn að þau séu óstjórntæk en nota krabbameinið í sínum formanni (sem í raun endurspeglar flokkinn) til að undirstrika hvað þau séu æðisleg.

 

Veikindi eru bara veikindi. Vonum það besta fyrir sjúklingana og hættum að notfæra okkur veikindi þeirra til að níða þau niður og gera lífið erfiðara.

 

Góðan bata.

Geir: Kosið í maí