Minnihlutastjórn er hið eina rétta

Að taka tíma í að undirbúa mál vel og ÞURFA að semja þau í gegn er mun betri aðferð en að troða einhverju baktryggðu bulli í gegnum þingið.

 

Fólk hefur fengið nóg af því. Áfram minnihlutastjórnin + Framsókn! Gott hjá ykkur, þið EIGIÐ að rífast.

Sigmundi Davíð boðin sáttahönd

Enn einn dagurinn

Ég vakna eftir stórkostlega drauma, stíg fram úr rúminu og fæturnir lenda beint ofan í hreina sokka og pússaða skó og fötin, nýpressuð af ástsjúkri vinkonu bíða mín undir nærbuxunum hennar og þau skríða silkimjúk á útlimina og blettast ekki af heitu brasilísku lúxuskaffi sem aðdáandi minn úr næsta húsi kom með í morgun eins og venjulega með beinu flugi frá Brasilíu og svo kveiki ég á útvarpinu þar sem uppáhaldslagið mitt rennur sitt skeið á undan fréttum sem eru mér allar að skapi og svo geng ég út og anda að mér einstaklega súrefnisríkum loftsveip sem fyrir tilstilli hentugrar vindáttar og þverbrotinna náttúrulögmála fylgir mér að bílnum sem aldrei bilar og svo set ég í gang og tek eftir að bensíntankurinn er fullur og vélin er hljóðlát og stillt á lágmarkseyðslu eftir yfirferð bifvélavirkjans sem kom í gær til þjónustu reiðubúinn á vegum félags sem ég vissi ekki að ég væri í og ég renn úr hlaði og kveiki aftur á útvarpinu og heyri að í gærkvöldi voru lottótölurnar mínar enn dregnar út eftir beinu útsendinguna frá spurningakeppninni sem ég vissi öll svörin í og næst flytur skýrmæltasta fréttaþulan fréttir frá Alþingi þar sem óþverrafrumvarpi var hent út með öllum atkvæðum gegn engu og ég keyri af stað og sé blaðastand þar sem stendur á forsíðum allra dagblaða að blóðið sem ég gaf í Blóðbankanum í gær hafi leitt til lækningar á krabbameini og ég brosi og á næstu umferðarljósum blístra ég lag sem tónlistarmaður í næsta bíl fær á heilann og gerir heimsfrægt á komandi mánuðum og á grænu ljósi keyri ég í veg fyrir bíl bankaræningjaflokks og hann veltur án þess að nokkur meiðist og þeir gefast upp baráttulaust því þeir festu fingurna í öskubökkunum og ég fæ fálkaorðu og mikil verðlaun og er boðið að vera gestur í vinsælasta sjónvarpsþætti landsins og ég er kosinn maður ársins af stjórnanda þáttarins sem heitir Jóna Sólný en upp úr því sef ég hjá henni og barna eins og allar konur sem ég snerti og börnin mín eru öll hraust og hamingjusöm og vegnar vel í lífinu og þegar ég hef lagt í gjaldfrítt stæði á besta stað í miðbænum hitti ég óvænt á röltinu leiðtoga heimsins gráa fyrir járnum á barmi styrjaldar og spyr Bandaríkjaforseta á Eyjafjallaensku hvað klukkan sé en með þessum hreim þýðir spurningin eitthvað stórmerkilegt á kínversku og leiðtogi þeirrar þjóðar grípur orðin á lofti og allir sættast og leysa upp úr því helstu vandamál heimsins og í þakkarskyni gefur frönsk sendinefnd mér verðlaunabúðing með ananasbragði þegar ég geng á braut og klukkan er bara tíu og sólin skín á mig gegnum einu skýjaglufuna á himninum og yfir hafið fjúka peningar ofan í vasa mína þar sem leið mín liggur framhjá besta bíóinu í bænum þar sem uppáhalds myndin mín er í sýningu og ég fer inn og þar er troðfullt út úr dyrum nema besta sætið er eftir fyrir mig og þetta er power sýning í þrívíddarvíðómi og við fagnaðarlæti horfi ég á bestu mynd allra tíma – Dagur í lífi Rúna Rokk.

 

Þetta góðærisljóð samdi ég í blindni og gaf út árið 2005 í samnefndri ljóðabók, og er bara nokkuð ánægður með það  Njótið heil!

Afsakið þessa færslu!

Ég biðst forláts á að þessi færsla er ekki í þráðbeinni tengingu við fréttina, en þó á ská.

Mig langar að velta upp einni pælingu úr sögunni.

Menn segja að það hafi verið skynsemi af VG að standa á sínu eftir síðustu kosningar og láta ekki glepjast af valdahjali og að sama skapi hafa margir - Ég þar á meðal - Hallmælt þjóðinni fyrir að hafa kosið Sjallann og Framsókn í raun til valda eftir síðustu kosningar. Hvernig það gat átt sér stað segir sitt um fíflin í landinu. En þvílík ROKNAheppni fyrir Samfylkinguna og VG sérstaklega, því það er engin spurning að þeir hefðu ekki getað afstýrt hörmungarlest Sjálfstæðismanna og þið getið bölvað ykkur upp á það að þeir hefðu skellt skuldinni á VG og Samfó fyrir að "kunna ekki á peningamál" og úr hefði orðið gríðarlega misvísandi og lygumklæddur áróður.

Þvílík heppni í raun að þjóðin hafi verið svona ógeðslega vitlaus fyrir 2 árum. Verst að hún var búin að vera það í 18 ár á undan líka, sleitulaust.

Hvernig haldið þið að þetta hefði farið?

Hve stór hluti haldið þið að hefði séð í gegnum þetta?

Haldið þið að stjórn VG og Samfylkingarinnar hefðu getað spornað við t.d. með því að koma í veg fyrir Icesave ruglið? Gerið þið ráð fyrir að viðvaranir IMF hefðu náð að skila sér gegnum ríkisstjórn þeirra með markvissum aðgerðum þegar aðilar úr sjálfstæðisflokknum sitja út um kerfið allt og eitra það með nærveru sinni - í þágu flokksins auðvitað, og blindri trú á að hörmungarnar hefðu aldrei dunið yfir ef Sjallinn hefði haldið völdum?

Hefði eftirleikurinn orðið verri, og ef svo - Hvernig hefði það mátt verða?

IMF varaði við í apríl

Hversvegna í ósköpunum ekki í formannsslag?

Þessi staðreynd ein, að hann bjóði sig ekki á móti fortíðarfánaberunum, gefur til kynna að Dag vanti bein í nefið. Hann HLÝTUR að skynja að fólk vill almennt ekki fá fyrrum undirlægju Sjálfstæðisflokksins (JB strauk Davíð ljúft um vanga á sínum og ISG reið við tvímenning með Geir sömuleiðis).

Ástæðan fyrir því að fólk vill Jóhönnu er að hún er manneskja fyrst sem hefur félagslegar hugsjónir að leiðarljósi og svo atvinnupólitíkus.

Dagur í varaformanninn

Ég er anti-fíkniefnamaður en...

...hvernig væri nú að hætta að elta ólar við þennan andskotans tittlingaskít sem marijúana/kannabis er? Underground-stemningin í kringum þetta er hálfur vandinn, en það er sama liðið sem er í innflutningi harðari og meira eyðileggjandi efna.

Fremur ætti að taka frekar harðar á því sem er verulega skaðlegt og/eða gerir fólk hættulegt umhverfi sínu. Mæli frekar með því að fólki sé bara í sjálfsvald sett að dunda sér við svona jurtadrasl ef það langar til. Ég hef alltaf verið á móti fíkniefnum, enda fjölmargir af mínum vinum orðið að eyða ótal árum í að hanga á AA fundum og snúa baki við eðlilegri vináttu í nafni edrúmennsku. Reyndar hefur áfengið þar verið í 50% orsakahlutfalli.

En þrátt fyrir það hefur mér ætíð þótt hluti vandans vera að troða öllum fíkniefnum undir sama hattinn. Fólk veit ósköp vel að munur er á þessum efnum. Drögum frekar línurnar einhversstaðar þar sem þær hafa einhvern virkilegan tilgang og möguleiki er að framfylgja þeim.

Sex handtekin vegna fíkniefnamáls

Leggjum blessun yfir múslimaveiðar

Við munum hljóta náð Bandaríkjamanna með því að veiða 50 múslima fyrir hvern einasta hval sem við löndum.

Bandaríkin fordæma hvalveiðar

Kjósendur SF: Strikið ISG út.

Fyrst hún hafði ekki vit á að draga sig í hlé þarf að gera það fyrir hana.

Ég er ekki alveg ákveðinn hvað ég kýs í vor en það eru 90% líkur á að tími VG sé kominn á minn kjörseðil. Jóhanna væri samt mitt fyrsta val í forsætisráðherrastól.

Því beini ég þessu til Samfylkingarfólks - Strikið ISG út á kjörseðlinum. Hún átti að segja formennsku af sér og ekki bjóða sig fram í efstu sæti. Hugsjónirnar eru löngu orðnar eftir í farangursgeymslu ISG og eins og Jón Baldvin benti á þá ber hún öðrum fremur ábyrgð á því innan Samfylkingarinnar hvernig samstarfið við Sjálfstæðisflokkinn tókst.

Ingibjörg býður sig fram

Verum öll hrædd!

Argh! Það þarf íslending í seðlabankann, og fimm bankastjóra en ekki þrjá, og alla úr sjálfstæðisflokknum og svo líka alla starfsmenn bankans úr Heimdalli eða pabba þeirra, Gunnar í Krossinum í formannssæti flokksins, útgerðarmenn í stjórnir, fréttamenn úr einræktuðum frumum úr Davíð Oddssyni og Bjarni Ben þarf að senda Birgi Ármannsson til tunglsins með íslenska hundraðþúsundmilljónkallafánann!

 

Trúið! Trúið! Og ekki horfa inn á við og alls ekki á gjörðir og hugsjónir flokksins.

Þarf að skoða málið betur

Ruglbloggar!

Flestir bloggarnir um þetta eru ruglbloggar.

Þessir gaurar voru bara strákar í sandkassaleik.

Hugsjónirnar að baki þeirra hryðjuverkum komu ekki frá þeim á nokkurn hátt heldur frá Sjálfstæðisflokknum einum og þá sér í lagi hirð Davíð Oddssonar. Hverskonar fávitaskapur er að slaka á reglum og eftirliti og treysta á að siðferðistilfinningin yrði græðginni yfirsterkari hjá mönnum sem komust í bankastjórnir vegna þess að þeir voru gráðugri en aðrir og frábærlega hæfir í að sveigja siðareglur að því markmiði að geta orðið ríkari í dag en í gær.

Óskaplega hlýtur Davíð að hafa brundað í brækurnar að sjá fyrir sér áhrif þess að sleppa úlfinum lausum í lambakrónni. Æðisleg "survival of the fittest" heimsspeki sem hann fylgdi alveg í blindni.

Segi það enn og aftur, Davíð Oddsson, Geir H. Haarde, Kjartan Gunnarsson og um 30 til 40 aðrir einstaklingar verða á stalli landráðamanna um aldur og ævi héðan af. Þeirra arfleifð er álíka og brennuvarganna úr Njálu sem fólk hefur fyrirlitið í hundruðir ára.

Bloggar sem eru of uppteknir af því sem þessir trúðar eru að segja eru á villigötum. Þessir menn voru í versta falli siðblindir glæpamenn, en þeir sem breyttu hvellhnettunum og hurðasprengjunum sem Heiðar og hans líkar hefðu haft að vopnum við sín skuggaverk, í titrandi atómsprengjur var þingflokkur Sjálfstæðisflokksins með DYGGRI aðstoð Framsóknarflokksins.  Engar aðgerðir í sögu lýðveldisins hafa fært Ísland nær ósjálfstæði og gjörðir þessara stjórnmálaflokka.

Og í viðbót - í tilefni að skoðanakönnuninni um forsetann eða forsetaembættið sem birtist í dag - Þá er alveg MAKALAUST hve stór hluti þjóðarinnar er svo forheimskur að sjá ekki í gegnum moldviðrið sem landráðaflokkurinn er að reyna að þyrla upp umhverfis því sem næst VALDALAUST embætti forsetans (?!) sem fyrstur var til að biðja þjóðina afsökunar á sínum þætti sem þó var ekki nema að tala viðleitni fyrirtækja upp og koma á tengslum við erlenda fjárfesta og fyrirtækja við íslensk. Þetta er svo mikil heimska og blinda að maður skammast sín. Það er verið að reyna að fela hverjir fóru með hið raunverulega vald til að a) koma þjóðinni í þennan vanda og b) að bregðast við þeim blikum sem voru á lofti. Það voru ekki forsetinn, bankastjórarnir eða stjórnarandstaðan sem verið hefur nokkurnveginn óbreytt frá 1992 til febrúar á þessu ári, heldur Sjálfstæðisflokkurinn og þau embætti og þær stofnanir sem hafa meira og minna heyrt undir hann einan. 

 

Reynið nú að koma því inn í kollinn á ykkur gott fólk og láta ekki skammsýni afvegaleiða ykkur eða byrgja sannleikann.

Ekki brugðist við varúðarorðum

Tóku yfirvöldin féð OG var kennarinn að gramsa í skólatöskunni?

OK, barnavændi og öll þessi andskotans vitleysa í kringum slíkan rekstur er auðvitað fáranlegur EN það er ekki það sem er undarlegt við þessa frétt. Maður les nú ýmislegt og kippir sér svosem ekki upp við fyrri hluta þessarar fréttar - Það er óumflýjanlegt að ungar stúlkur selji sig/séu látnar selja sig hér og þar í heiminum af ólíkum orsökum.

Hvað var kennarinn að gera að gramsa í töskunni hennar? Tilgangurinn helgar EKKI alltaf meðalið. Hugsum aðeins til baka - Hvernig hefði verið að láta kennarana gera þetta við sjálfan sig. Ég var í heimavist og veit ekki til þess að einn einasti kennari hafi gerst svo djarfur að gera þetta í leyfisleysi. Reyndar er óumflýjanlegt, eins og með vændið, að slíkt gerist auðvitað út um allt, en líkt og vændið er gjörningurinn sjálfur ekki í lagi.

 

Ég klóraði mér þá fyrst í höfðinu er ég las að peningarnir voru teknir og greiddir til yfirvalda?! Hvernig dettur stjórnvöldum í hug að taka peningana hennar og borga þá til sjálfra sín? Ég á ekki orð. Hvernig væri að verja þessum peningum til, tja, uppbyggingar á sjálfsímynd stúlkunnar í stað þess að strá salti í sárin. Ekki nóg með að hún sé misnotuð af hórumömmunni og gröðum körlum - Þetta er jú stúlka undir aldri - heldur er afraksturinn tekinn traustataki af yfirvöldum. Þannig að karlarnir borguðu í raun ríkinu fyrir að ríða stúlkunni í þessa mánuði.

Siðgæðisnefndin þarna aðeins á villigötum. Ætli þeim finnist þeir ekki vera að kenna henni lexíu...

 

Skólastúlka seldi blíðu sína um helgar