Þarf í alvöru að flytja fréttir af þessu?

Þetta er auðvitað mannleg tragedía, maðurinn augljóslega geðveill, en er í alvörunni nauðsynlegt að flytja fréttir af þessu? Ég sé ekki hver ávinningurinn er á nokkurn hátt. Ekki dregur þetta úr líkunum á því að svona rugludallar snappi í hausnum eða hvað? Allavega er þetta sorglegt og ógeðslegt.

Faðir og börn fundust hengd

Sama sagan frá Íslandi!

Ég sé ekki betur en að auð- og stjórnmálamenn séu mættir sprelllifandi í eigin jarðarfarir. Peningamyndararnir. Friedmanistarnir. Laissez-Faireistarnir. Hrunkóngarnir. Hinir lifandi dauðu.

Og þeir mæta hlæjandi og skipuleggja lífið eftir dauðann og það verður gott líf hannað til að komast yfir leifar þjóðarauðsins og endurtaka fantaskapinn. Zombíar sem éta heilann úr þjóðinni.

• LÍÚ/Hafró klíkan (halda kvótaverði uppi til að geta áfram leigt ekkert fyrir allt fyrir ekkert)
• Útrásarvíkingarnir
• Jón Ásgeir & fjölskylda
• Davíð og flokkurinn
• Eigendur hins flokksins
• Ójafnaðarmannaflokkurinn
• Fórnarlambaflokkurinn
• Popúlistaflokkurinn
• HHG & co.
• ...hinn síminnkandi (!) hluti þjóðarinnar sem trúir svo heitt að hann sér ekki neitt.

...hvar er Anti-Hitler þegar á þarf að halda?

Tilgangur lýðræðisins var í upphafi sá að koma í veg fyrir íslenskt samfélag í Forn-Grikklandi. Reynum að koma í veg fyrir Forn-Grikkland á Nýja-Íslandi með þessu öfluga vopni. Ekkert er upplýstri þjóð ómögulegt og ekkert er jafn ómögulegt og óupplýst þjóð sem heldur að hún sé upplýst. Hér er háð stríð án mannfalls og okkur á að nægja að jarða hugmyndafræðina og módelið sem hún ól af sér og heldur öllu í heljargreipum. Maður á ekki að vera með kampavín í jarðarför.

 

"Ég vakna eftir stórkostlega drauma, stíg fram úr rúminu og fæturnir lenda beint ofan í hreina sokka og pússaða skó og fötin, nýpressuð af ástsjúkri vinkonu bíða mín undir nærbuxunum hennar og þau skríða silkimjúk á útlimina og blettast ekki af heitu brasilísku lúxuskaffi sem aðdáandi minn úr næsta húsi kom með í morgun eins og venjulega með beinu flugi frá Brasilíu..."

Mætti í eigin jarðarför

Komið þessu á DVD!

Persónulega kemst ég ekki í dagskrá Stöðvar 2 erlendis og downloada Fangavaktinni um leið og ég sé hana. Downloadaði Dagvaktinni allri og keypti hana svo á DVD og gaf hana einnig.

 

Þetta er ekki spurning um þjófnað heldur aðgengi. Hversu mikið mundi Stöð 2 ekki græða á þessu ef þeir hefðu t.d. möguleika á að selja hvern þátt fyrir lítið fé yfir netið út um allan heim um leið og búið væri að sýna hann? Persónulega mundi ég fremur kaupa þá þannig heldur en að vera að leita að Fangavaktinni á allskyns bittorrent síðum sem eru að maka krókinn á annarra manna vinnu með allskyns hrossakaupum.

 

Gera þetta aðgengilegt, það þýðir nákvæmlega ekkert að berjast við internetið. Það er eins og að stöðva vindinn.

Fangavaktinni stolið

Stærð klúðursins of mikil

AGS nær ekki utan um þetta frekar en nefndin íslenska sem við heyrum ekki múkk frá en borgum morð fjár fyrir að rannsaka hvernig morð fjár glataðist í þjófnaði aldarinnar. Reyfaraefni! Eins gott að AGS taka því alvarlega að gæta hagsmuna Íslendinga - LOL.

Birtingu skýrslu um Ísland frestað

Óþarfi að lesa of mikið í þetta

Miðað við umfjöllunina hefði umferðin átt að vera þreföld í það minnsta

 

Hvernig væri að gefa öllum fyrirtækjum sem eru við það að fara á hausinn svona gott fréttastæði? Þeir færu þá með stæl.

Allt brjálað að gera hjá McDonald's

Frábært mál að skoða

Illyfirstíganlega vandamál kæmu reyndar í veg fyrir framkvæmdina, en þó er aldrei að vita hvað kæmi út úr því að skoða þetta af alvöru. Norrænu þjóðirnar eru alveg ótrúlega líkar að lundarfari, auðvitað hver með sínum einkennum núorðið, dálítið frábrugðnum tungumálum og herþjónustumismunur, en þetta er ekkert óyfirstíganlegt. Hér eru nokkrar leiðbeinandi tillögur:

• Nota bandarískt módel - Hafa einn sameiginlegan stjórnstað svipað og Washington DC.
• Ekki undir danskri drottningu heldur gera þetta af alvöru með sameiginlegu lögþingi og róterandi framkvæmdavaldi.
• Þetta væri formlegra samband sjálfstæðra þjóða (aftur svipað og fylki Bandaríkjanna).
• ...þetta gæti verið andskoti langur listi, hef ekki tíma til að standa í þessum skrifum núna í stuttu máli held ég að þetta væri mikið rokk! Og ennfremur á þessu engir óyfirstíganlegir gallar.

Kostir þess að fara út í þetta væru gríðarlegir í menningarlegu- efnahagslegu- og öryggislegu tilliti.

Vill stofna norrænt ríki

Sama niðurstaða hjá þessari ríkisstjórn og hinni gömlu.

Nú hefur þessi ríkisstjórn eins og hin síðasta brugðið á sama leik með Icesave.

 

Mikið var þessum reikningum með endemum klúðrað, meðferð innistæðna og hegðun Breta gagnvart bankanum. Að krefjast 95% lausafjár í útibúinu fyrir Icesave hefði aldrei verið farið fram á við nokkurn annan banka í heiminum.

 

Ekki veit ég hvað VG og Samfylkingin eru að spá, en ekki er það frábrugðið því sem fyrri ríkisstjórn gerði og hvað varð aftur um þá stjórn?

 

Enginn á þingi ræður við að stýra landinu, nú hefur hver einasti flokkur sýnt sitt innra eðli einn af öðrum. Það er ekki annað til ráðs en að bíta í skjaldarrendur og taka slaginn. Ekki verður þetta samþykkt ef Mogginn er á annað borð að fara rétt með, sem er jú alls ekki ábyggilegt. Einkasorprit æðstaprests hrunsins og skömm Íslands. Veit varla hvern andskotann ég er að blogga hér lengur.

Icesave-fyrirvörum breytt

Beinakirkjugarður

Snati og Hringur áttu sér hús í austurhorni kirkjugarðsins og undu hag sínum vel. Hinsvegar voru þeir óánægðir með veðráttuna þar uppi á hæðinni og vildu komast í hlýjuna niðri við gosbrunninn. Þar var það annar hvutti, Ruddi, sem réð ríkjum samþykkti að selja þeim grafhýsi þar sem var endalaust til af beinum. Ruddi var svo spenntur yfir Snata og Hring að hann samþykkti að gefa þeim grafhýsið sem hann gætti fyrir sinn flokk að hann samþykkti að taka upp í það bein úr sínu eigin grafhýsi. Hann fékk þau hinsvegar aldrei því þegar til kom var grafhýsið orðið galtómt og hjörð Rudda hafði fórnað úr sér eigin beinum til að hjálpa Snata og Hring að tæma grafhýsið stóra og lá um allan kirkjugarð, máttlaus og varnarlaus. En það var einmitt það sem Snati og Hringur höfðu ætlað sér og skuggahjörð þeirra streymdi nú inn úr austrinu og gekk á milli samanfallinna hundhræjanna og reif þau á hol öskrandi og gólandi. Gosbrunnurinn yfirgnæfði hljóðin í kirkjugarðinum, það kom haust og áletrun grafsteinanna máðist á brott undir blóðregni hinnar svörtu nætur.

Kaupþing frysti Samson-innstæðu

Ég vil ekki sjá Karl Lagerfeld...

...og þaðan af síður sofa hjá honum, sem er það sama og honum finnst um sexý kvenfólk er það ekki?

Enginn vill sjá þrýstnar konur

Þvílík skilaboð að senda út í samfélagið

Ef þú ert nógu rosalega útúrdópaður, þá kemstu upp með að ljúga hverju sem er upp á hvern sem er. Ef ákæran klikkar, þá sleppurðu.

 

Munið það - Það er hægt að vísa í þennan dóm  í framtíðinni. Allt verður jú að vera sanngjarnt. Og ef Gunna slapp, þá verður Sigga að sleppa og Óli og Gummi líka.

 

Það skiptir semsagt ekki máli hvað þú gerir, heldur hvað þú hugsar. Hvaða jólasveinar dæmdu þetta eiginlega?

 

Geðsjúklingar sem myrða eða brjóta á fólki vegna einhverra skáldaðra ástæðna eiga semsé rétt á því að sleppa því þeir héldu að þeir væru að gera eitthvað annað?

 

Brandari dagsins

Sýknuð af ákæru fyrir rangar sakargiftir