Hringsnilld

Hringsnilld

 

Linkurinn bendir á: http://www.mbl.is/mm/vidskipti/frettir/2009/12/10/bjarni_endurgreidir_glitni/

Heildarkröfur Bjarna 4 milljarðar

Þetta leysist af sjálfu sér...

Gúglið "Peak Oil" - Þetta er ekki spurning um hvort á næstu árum heldur hvenær á næstu árum.

 

Það þýðir lítið að ætla að auka útblástur um svo og svo mikið þegar ekki verður til nóg til að blása út. Þá verður skynsamlegra að vera búinn að undirbúa sig undir að nota eitthvað annað en fjárans kolefniseldsneytið.

 

Annaðhvort ná menn saman um aðgerðir til að bregðast við samdrætti í olíuframleiðsu í tíma eða fá þetta í rassgatið á sér - Og það mun byrja fljótlega eftir samdrátt því olíufyrirtækin geta rukkað nánast ótakmarkað fyrir olíuna síðustu áratugina sem henni verður dælt upp.

Drög Dana gagnrýnd harkalega

Amatörar!

Búðareigandinn var nú meiri kjáninn að ásaka mennina um þjófnað og leggja á þá hendur. Hann hefði átt að setja á stofn nefnd sem tekur eitt og hálft ár að komast að því sem er augljóst og síðan að láta vini ræningjanna velja úr gögnunum áður en þau eru kynnt stéttarfélagi þess glæpamannanna sem skipulagði ránið og svo vona að fyrrverandi undirmenn ræningjanna taki málið fyrir.

Óheiðarlegir lögreglumenn

Jón Valur þolir ekki gagnrýni

Eins og sjá má á bloggi Jóns Vals um þessa frétt klínir hann hruninu á alla aðra en Sjálfstæðisflokkinn og hans innanbúðarfólk. Og þegar ég dreg hann út og skamma fyrir það, og segi honum að hann sé ekki að hjálpa nokkrum manni með því, þá eyðir hann kommentinu mínu en lætur þvæluna standa.

 

Hér skrifa ég, og hef alltaf skrifað, undir eigin nafni. Oft harkalega gagnrýni þegar tilefni er til. Eins og t.d. það að stuðla að hvítþvotti sökudólga og sakaruppgjöf, en hengja aðra menn fyrir þeirra misgjörðir. Það er eitt hið versta sem fólk getur gert og í stað þess að draga úr, þá eyðir Jón Valur umfjölluninni um þetta siðspillingarathæfi.

 

Megi þinn kristni flokkur starfa af meiri heilindum, gegnsæi og byrja á því að greina rétt frá röngu áður en hann heldur út í lífið stutta.

Kröfuhafar eignast Arion

Af hverju kjafta hinir þá ekki?

Er einhver þarna? Halló - ó - ó - ó?

Verður að klára Icesave af ótilgreindum ástæðum

Merkilegt fyrir tvennar sakir...

Í fyrsta lagi:

Þetta fólk getur, án þess að nokkur segi neitt á meðan á því stendur, náð eignunum (Högum) út úr Baugi með því að selja sjálfum sér þær undir nýju nafni, greitt skuldir í bönkunum fyrir 50% af upphæðinni (ætli það hafi ekki verið peningarnir sem þau fengu lánað hjá bönkunum sem þau áttu, til kaupanna og náð einhvernveginn öðruvísi út úr Baugi?) og notað restina til að láta Baug kaupa bréfin af sjálfum sér aftur á yfirverði og þar með gert Baug eignalausan á Íslandi - Og þar með náð Högum frá kröfuhöfum sem áttu að eiga aðgang að því upp í skuldir Baugs - OG mokað Baugspeningum, sem aðrir áttu þegar tilkall til, í sjálf sig.

 

Í öðru lagi:

Blaðagreinin talar um þetta sem hinn eðlilegasta gjörning því skiptaráðandi segir það eitt að kaupverðið sem þau greiddu sjálfum sér hafi verið of hátt (en ekki að Haga hafi ekki mátt selja út úr fyrirtækinu því út á það höfðu verið tekin lán).

 

Vaknið nú! Þetta fólk var að stela eignum og fjármunum af kröfuhöfum með því að sitja  öllum megin við borðið - Þeim var leyft að eiga lánafyrirtækin/bankana (sem höfðu peninga landsmanna í greipum sér), Baug, 1998, Haga og hvaða önnur fyrirtæki sem það nú voru sem þau notuðu sem skálkaskjól. Þau voru, og eru, að ræna ykkur/okkur öll og það eina sem sagt er að "þau rændu okkur aðeins of mikið."

 

Er nema von að allt fari til helvítis með svona fólk í að sækja rétt almennings?

Vill rifta kaupum Baugs

Súrrealísk frétt með jákvæða strauma

Mann langar til að skrifa eitthvað um þennan mann, en verður orða vant. Þetta er eiginlega of svakaleg lífsreynsla til að setja í samhengi við nokkuð. Eins og annar bloggari nefndi, þá kemur manni One (Metallica) í hug við þessa frétt, nema hvað að þessi maður missti ekki vonina og óskaði sér ekki dauða heldur lífs. Það segir margt um styrk og úthald viljans. Nýr mælikvarði á "Willpower" í spunaspilum

Hvað sem öðru líður, þá finn ég hreinlega til vellíðunar að vita af því að þessi maður skuli loksins vera búinn að ná til umheimsins. Stórkostlegur árangur í læknavísindum sem og tölvuvísindum - hugsið ykkur að hafa hannað tólið sem gerir honum kleift að tjá sig í þessu ástandi!

Var talinn vera í dái í 23 ár

Bók Styrmis verður forvitnileg

Bókin verður forvitnileg fyrir þær sakir að þarna fer einn af þeim sem var samtímis fánaberi og klappstýra hrunsins þótt ekki hafi það verið í þágu auðs heldur hugmyndafræði (svona eins og kommúnisminn). Get eiginlega ekki beðið eftir að sjá hversu vel hann á eftir að sviga framhjá ábyrgð sinni og sinna manna, hvaða efnistökum hann á eftir að bolabeita til að hvítmála sig og sína. Ég tek fram að ég býst ekki við neinni hreinskilni heldur pólitískum lágskotum fyrir horn.

 

Vinsælt er að  benda á eitthvað sem fólk telur andstæðu Sjallans og útmála það í andskotanum sjálfum, undirstrika sundurlyndi, efa, ótta og aðra neikvæða þætti sem finna má í fari fólks og beina hverjum einasta ljóskastara að því og gera ráð fyrir að andstæð gildi loði þá betur við xD. Hampa gildum sem hafa enga þýðingu í sjálfu sér eins og einingu og tryggð, sem eru auðvitað alveg hræðileg gildi ef einingin er um spillingu og tryggðin er við sjúka forystu. Það er áreiðanlega meginstílbragðið. Fjalla um forsetann, Baugsfeðga, fjölmiðlalögin (sem hefði bara gert lúðrasveit Moggans auðveldara fyrir í básúnublæstri græðgisvæðingarinnar), spilla hugtökum sem tengjast VG eins og raunsæi, samfélagsábyrgð og umhverfisvernd og kalla það bölsýni, kommúnisma og afturhald. Ég býst líka fastlega við að þeir sem stunda ekki hreintrúnað og foringjahollustu Sjálfstæðisflokksins fái sneiðina svo þeir eigi sér ekki uppreisnar von. Styrmir verður sennilega seinasti maðurinn til að koma manni á óvart með skrifum sínum en engu að síður: Ég óska mér hérmeð bókarinnar í jólagjöf ef einhver vildi vera svo vænn að hnupla henni af lagernum niðri í Valhöll eða LÍÚ og senda mér á hátíð ljóss og friðar. Ljósrit væri líka allt í lagi. Eins og Albert Guðmundsson sagði einu sinni við bróður minn undir fjögur augu: "Maður getur ekki verið góður ef enginn er vondur."

Björgvin íhugaði tvisvar afsögn

Hvaða vörumerki var þetta?Hver framleiddi?

Var biðskýlið sektað? Augnablik - Auðvitað er réttlátt að bæta stúlkunni skaðann - En hver er ábyrgur fyrir galla á umbúðum og ófullnægjandi umbúðamerkingum? Hvað með eftirlit og reglur?

 

Etv. átti smásöluaðilinn beinan þátt í þessu, en ef hann hvorki framleiddi, pakkaði né merkti vöruna hljómar þetta mjög einkennilega. Þá mætti alveg eins dæma starfsfólkið í sjoppunni.

 

Annars er alveg fáránlegt að Mogginn birti ekki hvaða vara þetta er svo almenningur geti forðast hana.

Fær skaðabætur fyrir að súpa á sælgætisúða

Fer í sömu hillu og mikilmennskubrjálæðisauglýsing Kaupþings

Er hægt að álasa þeim fyrir að vera svona sannfærðir um eigið ágæti þegar partíið var svona svakalega flott?

 

Baugur: "Simply the best!"

 

Ef það er einhver mælikvarði að sitja eftir með alla peningana eftir hrunið, þá eru Baugsmennirnir alveg áreiðanlega bestir.

 

Annars finnst mér íslenska  ríkið langbest og þjóðin fyrir að virkja þessa gaura svona vel, fylgjast ekki með neinu og klappa svona hátt á leiðinni á hausinn. Eitt af nýuppgötvuðum þjóðareinkennum. Eins og bjargið sem plataði manninn til að klifra upp á sig og detta á hausinn var nú klárt, þá var Baugur/Glitnir miklu flottari á því.

 

Takk fyrir elsku ritstjóri alheimsins, að minna okkur skuldarana á að þú ert ekki einn í vonda liðinu!

Stuð með Baugi í Mónakó